七十二家房客 (劇集)

七十二家房客（英文：The House of 72 Tenants）係由南方電視台同珠江電影製片廠一齊整，以粵語為主要語言嘅情景喜劇，亦係中國大陸地區，繼外來媳婦本地郎之後第二長嘅劇集。部片從2008年7月5號開播一直到而家。入面專門圍繞1940年代尾嘅廣州西關太平街嘅七十二家大院，房東同房客嘅PK及街坊生活嘅甜酸苦辣。

部劇喺廣州地區都有好高收視率^[1]。其它地區播出方面，廣東、廣西多數嘅粵語台、及香港、北美嘅部分粵語台都播過呢部片。2013年8月16號同2014年7月31號，部劇分別攞過廣東省五個一工程獎^[2]同埋廣東省第一屆百佳電視藝術作品獎^[3]。

開拍時間

部劇喺2008年初開拍一直到而家都未停過。2008年7月5號開始喺南方衛視開播，播到第9季第40集合時已經突破1000集。