不專注視盲

不專注視盲（英文：inattentional blindness）係一種注意力相關嘅現象，指人因為冇留心而完全留意唔到一啲訊息。舉個例說明，喺一份 1975 年做嘅研究當中，有幾個研究者搵咗班受試者返嚟，叫佢哋睇一段兩隊人喺度打籃球嘅短片，跟住要求班受試者係噉數住「邊隊傳咗幾多次波」等要佢哋望實個波先睇得到嘅訊息；中途段片有個人會著住一件大猩猩嘅衫行過，結果發現，有成大約 50% 嘅受試者好專心噉喺度數嘢，事後問返佢哋佢哋完全冇留意到有人著住大猩猩衫行過^[1]。

不專注視盲畀人指係顯示咗，人對視覺資訊嘅處理唔係純粹客觀，而係會受到佢哋做緊啲乜或者諗緊啲乜影響，展示咗由上至下過程。