人口老化

人口老化又叫人口老齡化、人口高齡化或者高齡化社會，係指因出生率降低同埋/或者預期壽命延長導致年齡中位數增加嘅現象。大多數已發展國家人口長壽，老齡人群變多；但係發展中國家依家亦出現類似現象。除咗聯合國確認嗰18個「人口異常」國家之外，全世界普遍都出現呢一個現象^[1]。依家，老齡人口為人類歷史之最^[2]。聯合國預計21世紀人口老齡化比率會超過上一個世紀^[2]。由1950年以嚟，60歲以上人數增加咗三倍，達到2000年嘅6億，喺2006年超過7億。預期到咗2050年，老年人口會達到21億^[3]^[4]。各國喺老年化程度同速度上並唔一樣，聯合國預期老年化較遲嘅人群會措手不及^[2]。