分析層次

分析層次（英文：level of analysis）喺統計學上係指分析嘅對象規模有幾「大」。

例如喺行為科學同社會科學上，「分析一個個體喺唔同時間點之間嘅差異」同「分析一柞個體之間嘅差異」就好唔同。想像一份認知心理學研究一班人揸車，比較個體之間嘅差異嗰陣發覺「一個人愈要俾心機揸車，就愈大機會撞車」，不過噉可能係因為新仔零舍要用多啲注意力先可以揸到車，而新仔因為技術冇咁好撞車嘅機會亦自然高啲；如果比較嘅係一個個體喺唔同時間點之間嘅差異，應該會發覺「一個人愈俾心機揸車，就愈細機會撞車」－唔同分析層次俾到嘅結果完全唔同^[1]。