厄爾尼諾現象

厄爾尼諾現象（西班牙文：El Niño），又譯聖嬰現象，係一個異常嘅氣候現象，指太平洋東部同埋中部嘅熱帶海洋嘅海水溫度唔正常咁持續變暖，屬厄爾尼諾南方擺動現象東太平洋升溫嘅階段。「El niño」喺西班牙文係解「男仔」，係指聖子耶穌，因為喺聖誕節嗰陣呢個現象喺南美洲西岸對開嘅海面比較明顯^[1]。呢個現象對於南半球嘅氣侯係明顯嘅，喺1923年英國嘅基利伯‧湯馬士‧獲嘉爵士（Sir Gilbert Thomas Walker）第一次提到，同呢個現象有密切關係嘅獲嘉循環就係用佢嘅名嘅。