廿一世紀初嘅粵語有豐富嘅句尾助詞[3][4][5][6]。
More information 句尾助詞, 對應漢字 ...
| 句尾助詞 | 對應漢字 | 意思 | 例句 | 標官對應[註 1] |
| aa3 | 呀 | 表示語氣普通嘅問句，或者用嚟令陳述句個尾聽落冇咁突兀。 | A：你哋今晚食乜呀？
B：阿媽今晚煲老火湯呀。 | 呀 |
| ge3 | 嘅 | 強調一句陳述句講嘅嘢，當中要強調嗰樣嘢前面會加隻係字。 | A：你唔係喺香港出世嘅？
B：我係喺美國出世嘅。 | 的 |
| gaa3 | 㗎 | 表示講嘢嘅人對情況有啲保留，或者係有啲唔肯定。
呢隻字被指係嘅呀縮做一隻字嘅結果[3]。 | A：隻貓貓係邊度嚟㗎？
B：佢係隔離屋伯伯養嘅。 | 唔啱使 |
| laa1 | 啦 / 喇 | 表示「請求」，如果唔落呢隻助詞，句嘢會帶有好似「命令」噉嘅意思。 | A：就快餓死喇，快啲煮飯啦。
B：唔好催我煮飯啦。 | 吧 |
| laa3 | 喇 / 嚹 | 表示句嘢描述嗰件事「已經發生咗」。可以睇埋完成式。 | A：皮蛋瘦肉粥上得未呀？
B：煲好咗，上得喇。 | 了 |
| laak3 | 嘞 | 用法同 laa3（睇返上面）大致相同。 | A：皮蛋瘦肉粥上得未呀？
B：煲好咗，上得嘞。 | 了 |
| mei6 | 未 | 係問句入面用嘅，表示想問一件事「係咪已經發生咗」。睇埋完成式嘅概念。 | A：做好晒你啲功課未呀？
B：冚挷攔搞掂晒喇。 | 沒 |
| sin1 | 先 | 做問句嘅尾嗰陣有「快啲答我」噉嘅意思，
如果係跟住某樣動作，就有指「要嗰樣動作發生咗，先會做另外一樣嘢」嘅意思。 | A：你哋返唔返嚟先？
B：我哋等埋家姐收工先。 | 唔啱使 |
| tim1 | 添 | 表示「仲有」，或者表達驚訝，後者種情況成日會配合隻仲字嚟用。 | A：啲飯食晒嗱？仲諗住三碗白飯夠晒你哋食添！
B：阿姐畀多三碗白飯添吖！ | 唔啱使 |
| ne1 | 呢 | 問句用，表示手上嗰句問句，同打前嘅句子一樣不過主語唔同咗。
亦可以係表示句問句「唔預會有答案」。 | A：佢返咗嚟，噉你返唔返嚟呢？
B：點解咁想我返嚟呢？ | 呢 |
| maa3 | 嗎 | 用嚟將一句陳述句變成問句。 | A：佢想返屋企嗎？
B：佢想返屋企。 | 嗎 |
| aa1 | 吖 | 表示講嘢嘅人情緒上熱烈，例如係興奮噉。 | A：噉我哋一於聽日去海洋公園玩？
B：好吖！ | 耶 |
| aa4 | 呀 | 問句用，表示講嘢嘅人預咗自己講嘅嘢係正確，有陣時係帶有「不悅」嘅意味。 | A：個 paa1 ti4 仲未完喎，你返屋企呀？
B：係呀，老婆大人叫我返歸吖嘛。 | 唔啱使 |
| me1 | 咩 | 問句用，表示驚訝或者「唔敢相信」。 | A：你唔係今日上廣州咩？
B：突然間有事，聽日先上。 | 唔啱使 |
| ze1 / zek1 | 啫 | 表示「只係」同「淨係」噉嘅意思。 | A：你今日使唔使返工？
B：要，不過返半日啫。 | 唔啱使 |
| zaa3 | 咋 | ze1 aa3 結合埋一齊。 | A：你班友仔有冇留返幾件壽司畀我？
B：得返五件咋，快啲返嚟啦。 | 唔啱使 |
| zaa4 | 咋 | ze1 aa4 結合埋一齊。 | A：嘩，啲壽司得返兩件咋？
B：係呀，好食吖嘛。忍唔住口。 | 唔啱使 |
| gwaa3 | 啩 | 表示講嘢嘅人唔肯定句嘢係咪真確。 | A：阿強今晚會唔會嚟？
B：會啩。 | 唔啱使 |
| wo3 [7] | 喎 | 表示講嘢嘅人喺度報告緊啲資訊。 | A：你煮碟餸好香喎！
B：唔該晒喎！ | 唔啱使 |
| wo4 [7] | 喎 | 表示講嘢嘅人感到驚訝。 | A：老媽子煮乜呀？
B：佢竟然煮意式麪喎！ | 唔啱使 |
| wo5 [7] | 喎 | 反映啲資訊係「聽返嚟 / 由第個人講」嘅[註 2]。 | A：老媽子點講？
B：佢話今晚出街食飯喎。 | 唔啱使 |
| bo3 | 噃 | 表示叮囑或者勸告。 | A：返屋企嗰時，要小心睇車噃。
B：得，明白～ | 唔啱使 |
| lo1 | 囉 | 表示「句嘢講嘅內容，應該好顯然易見」噉嘅意思，成日會配合隻咪字嚟用。 | A：我成日唔記得閂水喉。
B：噉咪搞到啲水費貴囉。 | 唔啱使 |
| lo3 | 囉 / 咯 | 大致表示「某啲情況改變咗」噉嘅意思。 | A：哎吔，我出門口嗰陣唔記得閂水喉添！
B：啲水費金囉。 | 唔啱使 |
| aa3 haa2 | 呀吓 | 用嚟將一句指示「軟化」，令句嘢聽落柔和啲。 | A：我出門口喇。
B：返屋企路過超市，記得買雪梨呀吓。 | 哦 |
| aa3 ho2 | 呀呵 | 用嚟將一句陳述句變成問句，想問「句嘢講嘅嘢係咪正確？」。可以睇返嗎。 | A：我返咗嚟喇。
B：你買咗雪梨呀呵？ | 唔啱使 |
| aa1 maa3 | 吖嘛 | 用嚟表示一個答案好明顯。 | A：佢返屋企呀？
B：佢要陪老婆仔女吖嘛！ | 唔啱使 |
| laa1 maa3 | 啦嘛 | laa3 同 aa1 maa3 結合埋一齊。 | A：佢去咗邊呀？
B：佢返咗屋企啦嘛！ | 唔啱使 |
| gaa1 maa3 | 咖嘛 | ge3 同 aa1 maa3 結合埋一齊。 | A：嘩，佢講英文講得咁流利呀！
B：佢係喺英國出世同大咖嘛！ | 唔啱使 |
| zaa1 maa3 | 咋嘛 | ze1 同 aa1 maa3 結合埋一齊。 | A：嘩，佢仲識講法文添呀？
B：超，佢上過一堂，識幾隻字咋嘛！ | 唔啱使 |
|
Close
喺粵語入面，啲人可以將多過一隻句尾助詞串埋一齊噉用，而一般嚟講，嘅會擺喺串嘢最前，而啲問句用嘅助詞（咩、呢、嗎）會擺串嘢最尾[8]。
