台灣道路設計爭議

台灣道路設計問題近年已經成為唔少人關注嘅問題，美國有線電視新聞網CNN喺2023年初一篇報道甚至形容台灣道路係「交通地獄」，不利國際觀光^[1][2]。有啲人就指出，台灣道路設計標準鬆散，權責又分散喺唔同嘅政府機關，就連路上面嘅標示線以及路側規範都無統一標準。亦因為咁，台灣每年因為交通事故死亡人數高達3千人，傷亡總人數50萬人^[3]。

外間反應

時代力量

• 時代力量長期關注台灣道路設計爭議，以及後面事權唔統一嘅問題。其中立委陳椒華就曾經喺2023年透露，佢拜訪交通領域從業人員嘅時候獲告知，好多時候道路設計都冇標準，交通職系國考竟然根本唔考點樣畫道路，交通相關科系亦幾乎唔會教^[4]。
• 喺2023年2月，前高雄市議員、行人路權促進會理事長林于凱就公開呼籲高雄市政府增加改善行人安全嘅撥款^[5][6]。
• 喺2023年4月，立法院時代力量黨團亦召開「台灣最美的風景 是交通零死亡願景」公聽會，希望帶領台灣走向交通零死亡嘅願景^[7]。
  • 立委邱顯智又話，無一條人命應該喺交通事故入面被犧牲，每一條因為交通事故冇咗嘅人命背後都代表一個破碎家庭，而交通治安嘅惡化以及制度嘅缺陷，係政府機關、國家唔可以迴避嘅課題。
  • 立委王婉諭關注學童返學嘅情況危機四伏，唔應該淨係得導護老師喺校園路口指揮交通，而係要其他有權力嘅受訓者幫手指揮交通，從工程、教育到執法都唔可以忽略。

其他人

• YouTuber錫蘭·勒孔特曾經喺2023年4月發佈短片話呢個問題係台灣當務之急，但就睇唔到政府有任何決心解決問題^[8]。