呢嚿嘢 (編程)

｢自己｣（英文：self）喺物件導向編程，係某段碼對自身所嘅屬物件或者類別嘅傳統稱呼，通常係一個內建嘅識別碼，亦可能係保留字；不過呢個識別碼未必係叫 ｢自己｣，例如，喺 C++（同其他 C 語系嘅程式語言，例如 JavaScript），呢個稱呼係叫 ｢呢嚿嘢｣（this），又或者例如喺 Visual Basic，呢個稱呼係叫 ｢我｣（Me）^[1]。

亦有一啲程式語言有呢個概念，但係個概念冇一個特定嘅稱呼都得，而可能只係有一個機制可以搵到自己；例如，喺 Perl，｢自己｣ 並唔係內建嘅識別碼，亦唔係保留字，但係如果子程序以物件方法嘅方式叫用，第一個參數就係 ｢自己｣；Python 亦係同樣做法^[2]。

例

例如想像遊戲編程，其中一件物件有個子程序，個子程序會改變件物件嘅位置，就有可能會出現類似以下噉嘅碼：

this.position = [0,0,0];

段碼嘅意思係「呢嚿嘢（this）嘅位置（position）要變成（=）指定咗嘅值（[0,0,0]）。