喇叭花

喇叭花（粵拼：laa3 baa1 faa1；學名：Ipomoea nil），又叫牽牛花（hin1 ngau4 faa1）、牽牛（hin1 ngau4）、朝顏（ziu1 ngaan4）；廣西當地叫大牽牛花（daai6 hin1 ngau4 faa1），係旋花科牽牛屬嘅一年生草本藤木。主要種來觀賞。現時推斷原產美洲熱帶地區。而家喺全球各地嘅低緯度同部分中緯度地區都可以搵到。牽牛屬多數有毒，喇叭花都唔例外，成樖都有毒，唔可以就咁食，當中以種籽最毒^[1]，之不過佢嘅毒，亦可以制藥。

How to read a taxobox 喇叭花
紫藍色嘅喇叭花 粉紅色嘅喇叭花
物種分類
界 植物界 Plantae 門 被子植物門 Magnoliophyta 綱 雙子葉植物綱 Eudicots 目 茄目 Asterales 科 旋花科 Convolvulaceae 屬 牽牛屬 Ipomoea 種 喇叭花 I. nil
二元學名
Ipomoea nil L.

樣

成樖嘢好長，好似啲爬藤噉，而且梗超多分枝，披粗而硬嘅葉毛。葉係單葉互生品種，心形，通常係3～5裂，但側裂片比較短。葉柄有毛，重長過花梗。花係單性花序，通常開1～3朵，一般生喺樹杈位，有5嚿萼片，好似披綫噉，長20～25mm；花冠好似個漏斗噉，花色一般係白、紫藍、紫紅或粉紅；每年7～11月開花。果係蒴果品種，一般係啡黑或米黃色，冇毛；每年8～12月結果。

喺細樖仔嗰時，子葉近似方形，長大概2cm，先端凹咗入去，基部心形，初生葉1嚿，3裂，其中中裂片比較大。葉片同葉柄都有長嘅柔毛；雖上坯軸唔發達，但下坯軸好發達，喺近子葉地方重有短嘅柔毛。

原生

喇叭花有好幾個分支，亞洲、非洲、美洲等。除咗喇叭花同變色牽牛，同為牽牛屬之下，二者同系嘅，全部出自熱帶美洲，合理推斷喇叭花都係出自美洲熱帶。之不過亞洲文明，好早就有喇叭花記載，點樣由美洲去到亞洲。就成疑問，或者同如同蕃薯種籽，由人類由太平洋渡海帶出去^[2]。

用途

植株嘅花可以畀人睇，重可以做垂直綠化。

藥用價值

佢嘅籽可以做藥，有下氣、療腳滿水腫，除風毒，利小便嘅功效。

有關嘅書

• 中国外来植物 第220～221页　　上海科学技术出版社 ISBN 978-7-5478-0780-4/Q·4