執骨

執骨（粵拼：Zap1 gwat1）係指將土葬咗、已經腐化淨低嘅骨攞返出嚟放入金塔嘅行為。做呢樣嘢主要係因為風水，又或者需要搬走佢。呢種風俗喺粵人、福佬人、台灣人、琉球人、同壯族等嘅東亞族群都見得到^[1][2]。呢啲族群多數都係同百越族有關係，而且古代嘅中原皇朝亦都有文獻記載話百越族有啲類似嘅風俗。

啲骨執完就會放入金塔，而金塔喺廣東廣西周圍都見得到。

做法

掘地起墳後，一般會喺棺材開一條罅，疏出臭味，再起天板（棺材嘅面板），然後吩咐在場嘅後人同先人叫一聲「起身喇！」。做完簡單儀式之後，就開始將骸骨由上至下逐塊執返來。將骸骨洗淨之後，用四至五日曬乾，之後便可睇後人嘅意願，將骸骨磨成骨灰，或放入金塔^[3]。

港澳

港澳公墓嘅棺葬階段規定六至七年安葬期，落葬六年或者七年之後，死人嘅屍體腐化，就要執骨^[4]。