廣州解放紀念像

廣州解放紀念像係中國廣東省廣州市嘅一個紀念碑，响越秀區嘅海珠廣場中間。佢係為咗紀念中國人民解放軍喺霸咗廣州嗰陣嚟起嘅。

廣州解放紀念像
廣州市文物保護單位
喺邊	23°7′4.72″N 113°15′37.32″E
類	革命遺址同革命紀念建築物
時代	1959年
登錄	1963年
地圖

介紹

呢塊紀念碑係用咗花崗岩嚟整嘅，佢嘅周邊好似個正方形噉，邊長4.3米；高有11.5米，其中個底座有3.6米噉高，而紀念碑嘅正面就有畫住葉劍英寫過嗰啲字，而底座嘅四邊有劃住「一切權力屬於人民」呢8個中文字。喺底座嘅上面重睇到，佢嘅右手攞住個步槍；左手重攞住咗挓花、個面有笑容、而且個眼光係向前睇嘅成個軍佬人像噉。

史

喺1949年10月14號，中國人民解放軍嚟霸咗廣州。而1959年10月14號嘅廣州起義成功嘅10周年紀念會入面，廣州市政府專程喺海珠廣場嘅中間度起咗個紀念碑，嚟紀念廣州起義嘅勝利。到咗1962年，佢同海珠廣場一齊，都入咗羊城八景入面（羊城八景嘅名係「珠海丹心」），到咗1963年3月份，呢度俾廣州市政府宣佈咗，佢係廣州市嘅文物保護單位。雖然話文化大革命嗰陣被人拆咗，但係喺1980年7月嗰陣又重新起返。喺2006年，由於6號線嘅工程關係，所以有一部分檯要拆咗佢先至得。

2011年6月18號，香港影星鍾鎮濤專登嚟咗呢度睇個紀念像，搞到有好多網友話佢好似個石像嘅樣^[1]。

附近嘅建築

• 廣州賓館
• 廣州華夏大酒店
• 海珠橋
• 海印濱濱廣場