徐熙娣

徐熙娣（英文：Dee Hsu；1978年6月14號—），花名小S，係臺灣藝人，亦係另一位藝人徐熙媛（大S）個細妹。

小S
女藝人
原名	徐熙娣
羅馬拼音	Hsu Hsi Ti
英文名	Dee Hsu
花名	Dee、婷婷（屋企專用）、紅酒姐姐、徐老師、「IPSS」國際巨星[1][2][3][4]
國籍	中華民國
出世	(1978-06-14) 1978年6月14號（47歲） 中華民國臺北市
職業	歌手、節目主持人、演員
語言	國語、臺語、少少粵語、英語
教育程度	華岡藝校戲劇科
宗教信仰	佛教
配偶	許雅鈞（2005年結婚）
仔女	3女
屋企人	徐熙媛（姊）
音樂類	華語流行曲
演奏樂器	人聲
出道地	臺灣
出道日期	1994年，31年之前 (1994)
出道作品	《佔領年輕》
代表作品	《我猜我猜我猜猜猜》 《娛樂百分百》 《康熙來了》 《十分鐘的戀愛》 《姐妹們的聚會》
活躍年代	1994年到而家
唱片公司	波麗佳音（1994年－1997年） 擎天娛樂（2001年－2003年） 亞神音樂（2014年到而家）
經紀公司	神采製作（1994年－1997年） 金星娛樂（1998年－2010年） 犬象娛樂（2010年到而家）
相關團體	ASOS、Shorty Tall
網路電影資料庫（IMDb）資訊
獎 金鐘獎 綜藝節目主持人獎 2005年 《康熙來了》 其他獎 Channel V 亞洲風尚藝人獎 2016年 《elephant Dee》

1994年，佢同徐熙媛共組雙人女子團體「S.O.S」出道。1996年，佢同徐熙媛開始主持綜藝節目《我猜我猜我猜猜猜》；後來，佢哋又共同主持《娛樂百分百》。

2005年，佢喺綜藝談話節目《康熙來了》嘅演出，同節目另一主持人蔡康永，一齊獲頒第40屆金鐘獎綜藝節目主持人獎獎項。2016年起，佢開始從事於中國大陸有關市場同新媒體領域。

喺2014年、2016年、2018年、2019年等，佢嘅主持事業收入嘅金額，位居臺灣地區主持業界最高排序。^[5][6][7][8]

演藝生涯

1989年 - 2003年

1989年起，小S喺正式出道前就開始拍攝電視廣告。1994年，小S喺華岡藝校就學期間，同二姊大S組成「SOS」出道。1994年至1997年間共發行六張音樂專輯，有《佔領年輕》、《天天寄出的信》、《姐妹情深》、《我是女菩薩》、《顛覆歌》、《貝殼》，其中以歌曲《十分鐘的戀愛》為代表作。SOS喺2001年12月發行嘅《變態少女》，係兩人目前最後一張專輯。

小S高中畢業後，因為受合約影響而要將組合名改為「ASOS」而且事業範疇受限，此後兩姐妹開始踏足主持領域。1996年7月，大、小S以綜藝節目《我猜我猜我猜猜猜》開始踏入主持界，同主持人吳宗憲嘅合作紅極一時。2000年10月，兩姐妹結束該節目嘅主持工作；後來小S曾短暫回歸。

1998年3月14號，大小S接替何篤霖做八大綜合台娛樂新聞節目《娛樂百分百》主持。《娛樂百分百》係當時台灣電視圈新興嘅影劇新聞型態節目，節目收視群以年輕觀眾為主，為台灣長壽節目之一。2006年9月15號，節目為小S離開節目主持歡送餞別，嗰集主題係「小S歡送會」。小S喺主持節目八年期間，1998年5月5號戴牙套、2000年6月7號舉辦「百分百變裝秀」、2002年嘅「徐老師瘦身操」同「徐里長」角色扮演等節目內容，都有迴響。

2004年 - 2015年

2004年，小S同作家蔡康永一齊主持中天綜合台綜藝談話節目《康熙來了》，因節目風格特殊，令小S喺兩岸三地更具知名度。2005年，小S以呢個節目榮獲第40屆電視金鐘獎「綜藝節目主持人獎」（2005年、2006年、2007年、2008年連續四年入圍金鐘獎）。《康熙來了》自2004年首播至2016年停播，邀請眾多演藝界嘅重要人物作為嘉賓，喺娛樂圈造成話題。

小S原本係經紀公司金星娛樂旗下藝人，同其他金星旗下藝人俗稱「偉忠幫」。2010年小S正式脫離經紀人王偉忠，以犬象娛樂自立門戶。2014年12月12日，小S重返音樂歌唱領域，以「elephant DEE」之名發行首張個人同名EP《elephant DEE》，集結五首創作單曲，除《心臟噴血》一曲由徐熙媛作詞外，小S一手包辦其他詞曲創作。

2016年到而家

2016年起，小S自稱「『IPSS』國際巨星」（International Professional Super Star）^[1][2]。此外，佢進軍中國大陸，主持網絡綜藝節目《姐姐好餓》，並喺愛奇藝等網絡平台播出。2017年，小S再主持《姐姐好餓》第二季。2018年4月，小S同蔡康永一齊現身記者會，宣告再度合作，主持優酷嘅網上綜藝節目《坦白吧！花花世界》^[9][10][11]，後節目改名為《真相吧！花花萬物》。原先小S喺中國大陸每錄製完成一小時節目嘅主持酬勞係約新台幣480萬元，而自2018年10月起，受到中國大陸官方「限酬令」嘅影響，降為360萬元^[12]。2020年，由於受到武漢肺炎疫情影響，小S少咗中國大陸嘅節目主持工作，佢嗰年個人演藝總收入以廣告為主，進帳約新台幣3000萬元^[13][14]。