志宇衞公祠

 志宇衞公祠（粵拼：zi3 jyu5 wai6 gung1 ci4） ，堂號光裕（gwong1 jyu6），喺廣州市海珠區瀝滘東街坊，係番禺瀝滘衞氏御史房十四世嘅祠堂，亦係廣州抗日烈士衛國堯、衛泰洵嘅祖祠。祠堂坐西向東，三間兩沓，磚、木、石結構，總面闊13.24米，總進深23.2米。2011年10月，列為海珠區登記保護文物單位。

志宇衞公祠 光裕堂
主祀	志宇祖（十四世祖）
家族信息
家族	瀝滘衞氏
起源	河東郡
修建史
始建	清朝乾隆
方位
地址	廣州市海珠區瀝滘村東街坊13號
朝向	坐西向東
現時尚存 經已掛牌
登錄名	志宇衞公祠
等級	海珠區登記保護文物單位
籌	1-4
登錄時間	2011年10月

建築

第一沓前堂面闊三間13.24米，進深兩間6.26米，花崗條石鋪四個梯級，鑊耳封火山墻，龍船脊，有明顯嘅舉折同升起。前牆明間凹入做門廊，次間牆頭灰塑蓮花托出檐，如意木封檐板，對縫青磚石腳牆，墻厚0.44米。花崗石門框，石門檻，對掩木板門。十架，間隔牆同挑檐枋承後桁承重。門廊花崗條石鋪地，門廳地下改成石屎。明間做廳。

第一第二沓之間嘅天井深4.50米，家陣係石屎鋪地。

第二沓面闊三間13.20米，進深三間12.38米，十一架。屋頂形制同第一進差唔多。碌灰筒素瓦，瓦當滴水剪邊，如意木封檐板，有五個花崗石梯級，側邊有抱鼓。紅砂岩臺基。明間前邊有木額枋，兩次間起磚牆，牆中間砌磚雕通花。十一架三柱同後墻承重，後牆厚0.46米，前廊抬樑式，有月樑，駝峰斗栱。其它係穿斗抬樑結合。前檐柱係八角「鹹水石」柱，對邊0.32米；金柱係木圓柱，周長1.23米，有柱櫍，柱身梭形。有柱頭斗。

攷

• 衞宗正、衞鎔。《衞氏族譜六卷》。
• 陳建華 等編 (2008)。〈心和衞公祠〉. 《廣州市文物普查彙編 海珠區卷》。廣州出版社。頁 272–273。