恒生銀行

恒生銀行（英文：Hang Seng Bank，港交所：0011，OTCBB：HSNGY）係間香港銀行，喺1933年3月3號由林炳炎、何善衡、梁植偉、盛春霖同埋何添開辦，而家係滙豐集團嘅主要成員。

恒生銀行總行

目前以香港及中國大陸業務為重點。佢亦負責計出香港股市嘅參考指數恒生指數。

截至2017年12月31號，恒生銀行總資產係14,780億港元，股東權益1,520億港元，總客戶貸款8,070億港元，客戶存款11,150億港元，總營業收入500.76億港元，盈利200.18億元。

根據2025年7月底公佈中期業績，截至2025年6月底，恒生銀行不良貸款率6.69%，較前一年底嘅6.12%進一步增加。期末，總減值貸款為550億元，當中已作信貸減值嘅香港商業房地產貸款達到250.12億元。

2025年10月9號，母公司滙豐控股（005）宣佈斥資超過一千億港紙私有化恒生銀行。