抹大拉學院 (劍橋大學)

抹大拉學院（英文：Magdalene College，英文讀音：[ˈmɔːdlɪn]，又譯莫德林學院、麥格達倫學院）係劍橋大學其中一個成員學院。

抹大拉學院第一中庭（First Court）景觀

學院喺 1428 年創立，嗰陣時叫「白金漢學院」（Buckingham College），係一間本篤會修道院。後來由於英倫宗教改革，學院喺 1542 年改名「抹大拉學院」，紀念抹大拉人馬利亞，同英倫大部分基督教修道院一齊由羅馬天主教轉投英倫聖公會。抹大拉學院喺 1988 年由男校轉成男女校，係牛津同劍橋當中最遲開始收女生嘅學院^[1]。

抹大拉學院嘅本科生人口有三百幾人，喺劍橋大學嘅學院之中算少。抹大拉學院保留唔少古典傳統，例如學期期間每日都舉行齋靠蠟燭照明嘅正式晚餐（formal hall）^[2]。

抹大拉學院嘅樓宇有齊幾百年嚟嘅各種建築風格，其中幾得意嘅地方係學院本部嘅樓多數係用磚起，少數用石起，同多數傳統學院掉轉。宿舍大部分係二十世紀同廿一世紀初起好，新樓同舊樓互相輝映^[3]。

睇埋

• 抹大拉學院 (牛津大學)