拿殊均衡點

拿殊均衡點（英文：Nash equilibrium；個名取自博弈論家莊·拿殊）係博弈均衡嘅一種。喺拿殊均衡點之下，每個博弈者都揀咗一個選擇，而且佢哋當中冇任何一個有誘因去單方面噉改變自己嘅選擇。

基礎

一場有拿殊均衡點嘅博弈

	阿松揀 A	阿松揀 B
阿明揀 A	+1, +1	+1, −1
阿明揀 B	-1, +1	0, 0

睇埋：博弈論

舉個例說明，想像右手邊嗰場拿殊博弈嘅報償矩陣^[1][2]，成場博弈涉及兩個博弈者－阿明同阿松－而佢哋各有兩個選擇（A 同 B）可以揀；根據呢一場博弈嘅規則，如果阿明揀 A 而阿松揀 B，結果會係阿明得益 1 文阿松損失 1 文（+1, -1），如此類推；假想佢哋兩個而家都為咗將自己報償最大化而揀咗 A 嘅選項，對於阿明嚟講，如果佢改變選擇而同時阿松嘅選擇不變，噉佢自己會變成損失 1 文，阿松都係同一道理；噉喺呢個情況下，佢哋兩個喺進入咗「雙方都揀咗 A」嘅狀態之後，就再冇誘因改變自己嘅選擇－呢個狀態就係呢場博弈嘅拿殊均衡點^[1][3]。

數量

唔係所有博弈都有一個拿殊均衡點－有啲博弈有多過一個拿殊均衡點（例如獵鹿博弈），又有啲博弈係冇拿殊均衡點嘅^[1][4]。

睇埋

• 監犯困境