指標執著

指標執著（參見英文：metric fixation）係响 2010 年代後期開始有人提起嘅現象，吸引咗唔少管理工作者關注^[1]^[2]。指標執著個諗頭如下：管理者往往會想用某啲指標衡量自己係咪順利達到目的－例如有間企業要行新嘅營銷策略，就用「行咗新策略以嚟多咗幾多新客」做指標衡量新策略有幾成功。一般覺得，有明確嘅衡量指標無可厚非，但有唔少管理者好執著個指標要達到理想數值，同時又忽略第啲重要嘢－例如想像間企業一味掛住引新客，大幅改嗮自己產品啲賣點，搞到好多舊客唔開心，而喪失舊客造成嘅損失，大過爭到新客帶嚟嘅利潤，最後搞到整體利潤跌咗。