文法範疇

一種文法範疇（粵音：man4 faat3 faan6 cau4 | 英文：grammatical category）係指一隻語言嘅文法入面物件可以有嘅特徵；每個範疇都有若干個可能數值，如果一隻字要由其中一個數值傳去第個數值，好多時就要做詞形變化－隻字變樣嚟表達佢屬個文法範疇嘅邊個數值。

定義

内文：文法

類型

粵語冇咩顯著嘅詞形變化可言，但英文就有，

名詞

• 文法格

• 數量：又用英文做例子，喺英文入面，數量係一種文法範疇，一隻字喺數量上有「單數」同「眾數」等嘅幾個可能值；喺英文裏面，如果一隻字要由單數變成眾數，通常（但唔一定）會喺隻字後面加個 s，例如 cat 係指一隻貓，而 cats 就係指多過一隻貓。某啲語言對文法數量仲會有更加複雜嘅變化，唔淨只分單數眾數咁簡單^[1]。

• 性別

• 有生定無生：係指緊一啲有關隻名詞「幾有生命」或者「幾有心靈」等嘅規則。例如英文噉，原則上，要表示「A 嘅 B」，英文可以有兩種做法：
  1. A's B
  2. The B of A
  • 但一般認為，如果將 2 用喺有高有生性嘅名詞上，感覺會好怪。例如

    The face of the man，好多以英文做母語嘅人覺得呢句短語冇

    The man's face 咁好聽，當中 man 係指男人（一隻有高有生性嘅名詞）。

動詞

• 語言時制（tense，粵拼：ten1 si2）：時制係一種文法範疇，一隻字喺時制上有「過去式」同「現在式」等嘅幾個可能值；喺英文裏面，如果一隻字要變時制，通常都要做詞形變化，隻字要變樣嚟表達時制，例如 run（跑）呢隻字做過去式嗰陣要變成 ran ^[2]。
• 能願：指緊一隻語言點樣表達一句嘢啲內容「真實」嘅程度，通常作用喺動詞度。
  • 可能：一件事有可能發生。

    粵文：「佢聽日有可能返嚟。」

    英文："He may come back tomorrow."

  • 肯定：一件事 100% 肯定會發生。

    粵文：「佢聽日實會返嚟。」

    英文："He will definitely come back tomorrow."

• 據由

睇埋

• 詞形變化
• 及物