楊政龍

楊政龍（英文：Alex Yeung），香港建制陣營（商界親中派）政治人（第14屆全國政協香港委員）、生意人，香港青年聯會主席，楊受成細仔（英皇集團太子爺），英皇集團副主席^[1]。

佢支持並透過關愛隊推廣北京未經諮詢或香港人同意，強行訂立嘅《港版國安法》^[2]。

部分公職

• 第十四屆全國政協香港委員(其他界別香港人士)^[3]
• 香港菁英會永遠名譽主席^[4]
• 香港中華出入口商會常務會董^[5]
• 南區海灣關愛隊副隊長^[6]
• 香港中華文化總會顧問^[7]
• 香港北京社團總會第一屆理事會常務理事^[8]

選舉經歷

2016年12月，佢喺2016年香港選舉委員會界別分組選舉入面，參選體演文出界嘅演藝小組，以82票當選^[9][10]。之後，佢有份提名林鄭月娥參與2017年香港行政長官選舉^[11]。

喺2021年9月，佢成為香港特别行政區選舉委員會委員(有關全國性團體香港成員的代表：全國青聯)^[9]。

喺2023年，佢呼籲人參與設立政治篩選並大幅度削減直選議席嘅2023年香港區議會選舉，並且為候選人宋冰冰站台^[1]。