民主黨 (香港)
香港政黨 From Wikipedia, the free encyclopedia
Remove ads
民主黨，花名「白鴿黨」，係香港嘅一個泛民主派政黨，由香港民主同盟同匯點合併而成，喺1994年10月2號正式成立，2025年4月12號摺埋，末代嘅主席係羅健熙[2]。
_logo.svg){kind=logo}
民主黨而家喺香港立法會同香港區議會冇晒議席（喺九七回歸之前，曾坐擁19個立法局議席，九七回歸之後嘅立法會曾經擁有13個議席）。
Remove ads
歷史
和前綫合併
2008年10月9日，民主黨中常委羅致光回應明報查詢嘅時候承認民主黨中委會通過合併前綫嘅決定，將會喺2008年12月實行[3]，而兩黨喺10月12日進行記者會，民主黨主席何俊仁同前綫召集人劉慧卿共同宣佈進入合併程序，不過解散前綫嘅方案因為唔過五分之四嘅會員支持而被否決。[4]
民主黨停止參與民陣工作
2021年3月，民主黨宣佈停止參與民間人權陣線嘅工作，好多其他政黨同政治組織，好似街坊工友服務處、公民黨、新民主同盟、天主教正義和平委員會、民協、教協都因為擔心港區國安法而退出咗。[5]
民主黨首次缺席區議會選舉
2023年10月30日，民主黨嘅六名成員參選新選舉制度下嘅區議會選舉，雖然有個別參選人得到個別三會成員提名，不過佢哋冚辦爛都達唔到提名門檻、冇得參選，民主黨亦正式缺席2023年嘅區議會選舉[6]。黨主席羅健熙話會「在議會外仍有不同渠道服務市民」，同時表示就係咪解散問題需要和黨友商討。浸大政治及國際關係學系副教授陳家洛話，民主黨今次參選冇門顯示佢哋喺中央眼中仍係敵對勢力，反映泛民主派嘅選舉之路已盡，「接下來的空間是零」。[7]
解散
2025年2月20日晚，民主黨召開中央委員會會議。會後民主黨主席羅健熙宣布，中委會決定解散民主黨同成立一個小組處理解散同清盤安排。小組由羅健熙、副主席莫建成及秘書長梁永權組成，主要處理清盤財政同法律上嘅問題。羅健熙強調今次成立小組係中委嘅集體決定，不過中委唔可以決定解散民主黨，最終決定權係喺會員手上面。民主黨依家有400會員，過去嘅會員大會有大概100名會員出席，不過因為今次事關重要，可能會有更多會員出席，如過有超過75%嘅出席者贊成，民主黨就會解散。[8]
2025年4月12號，民主黨正式摺埋。
Remove ads
政治信念
- 香港係中國唔分割得嘅一部分，支持香港回歸中國。
- 回歸後實行一國兩制、高度自治同港人民主治港。
- 關心中國，作為中國人民嘅一分子，香港人有權利同責任去參與同評議國家事務。
- 對中國政府任何涉及或影響香港嘅政策，反映港人意見，爭取港人嘅利益得到合理嘅照顧。
- 民主係實現高度自治嘅必要條件，係殖民地統治結束後理所當然嘅發展。
- 民主、自由、人權及法治係現代社會進步同繁榮嘅基石。必須加速民主政制發展，並同時鞏固現有保障自由、人權同法治嘅制度，及進一步改革不足之處。
- 維持一個公平競爭同自由運作嘅市場體系，就需要有：適當嘅監管、合理同穩定嘅稅制、健全嘅法制同廉潔嘅政府。
- 經濟發展有賴投資者、勞工、專業人士、政府同社會每一分子共同努力。創造財富係社會發展嘅前提，而社會每一分子能夠合理分享發展成果，先至係創造財富嘅目的。
- 政改方案要喺立法會取得三分之二支持，要爭取建制派支持，必須喺「狹縫」覓出路，而泛民要先拋出「最大公因數」爭取建制接受， 但係「當我哋民主派都用最小公倍數（LCM），去收窄團結點，又點攞到連同建制派三分之二嘅支持？即使而家喺真普聯內過往被視為激進嘅人，都無用LCM 去團結大家」[9]。
- 就算提名組成及運作不公平，但若最後仍可推出不同政見候選人，「是否就不合乎普及而平等的原則呢？」[10]
- 為促進香港穩定繁榮、維護社會公義及消除任何岐視，香港需要建立一套健全嘅教育、醫療、房屋、勞工、社會福利同社會保障制度，更要促進個人平等嘅機會以發展個人潛能及社會參與。
- 為社會嘅長遠發展及保障下一代生活質素，致力保育環境，使到資源得延續，生生不息[11]。
Remove ads
歷屆主席
立法會議員
區議會議員(2020-2023年度)
响香港第六屆區議會當中，民主黨曾經係全港擁有最多直選區議會議席嘅政黨，响15個區議會攞到91席，繼2003年第2屆香港區議會選舉後，做番區議會第一大黨，其中喺9個區議會都試過攞到優勢，亦係第六屆全港直選區議會議席第二多嘅政黨（亦係泛民主派區議會第一大黨），僅次於民主建港協進聯盟。
喺第6屆香港區議會選舉之後，議席有以下嘅變化：
- 2020年1月，屯門區議員林頌鎧、朱順雅退黨。
- 2020年12月，中西區區議員許智峯流亡海外，並且退黨，2021年5月尾冇咗議席。
- 2021年2月3號，觀塘區議員洪駿軒成為本屆區議會第一位被裁定當選無效而冇咗議席嘅區議員。
- 2021年3月中，東區區議員張國昌因家庭理由退黨。
- 2021年3月31號，民主黨副主席林卓廷辭去北區區議員職務，正式劈炮。
- 2021年4月29號，中西區區議員吳兆康劈炮。
- 2021年5月，前立法會議員、葵青區議員尹兆堅、屯門區議員馬旗先後劈炮。
- 2021年5月28號，葵青區議會主席單仲偕因為2019年10月1號遊行案被判坐花廳，緩刑兩年，冇咗區議員職務。
- 2021年7至10月，近90%嘅民主黨區議員喺區議員宣誓風波入面，因為劈炮同埋宣誓無效而冇咗議席。
- 2021年尾，喺2021年香港區議員宣誓入面宣誓有效嘅黃國桐、周卓奇、黎寶桂先後退黨，與此同時，北區區議員黃凱盈喺同年8月尾開始連續缺席北區區議會所有會議，2022年1月1號開始冇咗議席。
- 2022年2月，中西區區議會副主席楊浩然退黨。
民主黨喺4個區議會入面剩低7名議員，包括：
2023年第7屆香港區議會選舉之前，朱子洛、羅健熙、伍凱欣、葉梓傑、潘秉康同埋黎熙琳原本有望參選，可惜佢哋最後攞唔夠三會成員嘅提名而棄選，結果泛民主派民選區議員清零，民主黨7名區議員响2023年12月31號任期結束。
Remove ads
選舉成績
立法會
| 選舉 | 民選票數 | 得票率 | 總議席 | 領袖 |
| 1995 | 385,428 | 41.87% | 19 / 60 |
李柱銘 |
| 1998 | 634,635 | 42.87% | 13 / 60 |
李柱銘 |
| 2000 | 418,810 | 31.74% | 13 / 60 |
李柱銘 |
| 2004 | 423,631 | 23.74% | 9 / 60 |
楊森 |
| 2008 | 312,692 | 20.63% | 8 / 60 |
何俊仁 |
| 2012 | 247,220 | 13.65% | 6 / 70 |
何俊仁 |
| 2016 | 199,876 | 9.22% | 7 / 70 |
劉慧卿 |
區議會
| 選舉 | 得票 | 得票率 | 總議席 | 領袖 |
| 1994 | 160,544 | 23.39% | 81 / 373 |
李柱銘 |
| 1999 | 201,461 | 24.67% | 87 / 519 |
李柱銘 |
| 2003 | 223,675 | 20.98% | 95 / 529 |
楊森 |
| 2007 | 173,886 | 15.14% | 59 / 534 |
何俊仁 |
| 2011 | 205,716 | 17.11% | 47 / 507 |
何俊仁 |
| 2015 | 196,068 | 13.36% | 43 / 458 |
劉慧卿 |
| 2019 | 362,275 | 12.41% | 91 / 479 |
胡志偉 |
Remove ads
前黨員
退黨潮
其他前黨員
註
連出去
Wikiwand - on
Seamless Wikipedia browsing. On steroids.
Remove ads