煙仔
From Wikipedia, the free encyclopedia
Remove ads
煙仔，又叫香煙、煙（英文：Cigarette，來自法文「cigarette（細雪茄）」。雪茄來自西班牙文同埋葡文嘅「cigarro」；而「cigarro」來自瑪雅文「siyar」） [1]，係一種用紙包住切碎咗嘅煙絲，卷成圓筒型或者圓錐形嘅消費品。煙仔同水煙、雪茄一樣係煙草產品。
吸煙者點火令煙仔嘅其中一端悶燒，再由另一端透過煙嘴或者直接用口吸入煙氣。大多數現代製造嘅煙仔都係用加工過嘅煙葉同埋好多其他添加劑製成[2]。
通常大家所講嘅煙仔，係指用煙草捲嘅煙仔，但係有時都可以用嚟指類似嘅物品，例如「丁香煙」或者「大麻煙」。煙仔同雪茄嘅區別，主要係煙仔嘅尺寸細過大部分雪茄，用切碎同加工過嘅煙葉，用捲煙紙包裹。雪茄通常由成塊煙葉製造。
煙仔舊時認爲係時尚，不過家下認爲係毒品，燒起嘅化學物質，有害身體，會引致心臟病、肺癌等病。而當中含尼古丁，係種興奮劑，令人上癮。煙仔上癮，就叫煙癮，係好難戒甩。
Remove ads
史
最早嘅煙仔主要用整雪茄剩落嚟嘅碎碴製造。喺九世紀中美洲嘅人用蘆葦或暫吸管吸煙。陶器同埋寺廟雕刻經常描繪瑪雅人—以及後嚟嘅阿茲特克人—嘅祭司喺宗教儀式之中吸煙或者吸食其他精神藥物。比起煙斗或者水煙，煙仔同雪茄依然係加勒比海、墨西哥、中美洲同埋南美洲使用煙草製品嘅常用方法[3]。
南美洲同中美洲用各種植物捲煙仔，西班牙人將呢啲煙仔帶返西班牙，捲煙開始用粟米造嘅紙；到十七世紀，更加開始用高檔嘅紙，當時叫「papelate」。十八世紀戈雅嘅畫 La Cometa、 La Merienda en el Manzanares 同埋 El juego de la pelota a pala 有描述呢種產品[4]。
1830年，煙仔去到法國，並且得到而家嘅名「cigarette」。1845年，法國國有煙草專賣開始生產煙仔[4]。
參加克里米亞戰爭嘅英國士兵從鄂圖曼帝國士兵身上學識捲煙同食煙嘅方法，煙仔開始喺英文系國家流行[4]。
Remove ads
煙仔消耗量以及吸煙率
唔同時期唔同地方嘅吸煙率有好大嘅差異。發達國家吸煙率趨於穩定或有所下降，但係發展中國家嘅煙民數量持續上升[5][6]。
以2002年為例，全球煙產量約莫有5.5 兆支，供應各地共約十一億人（約莫佔全球總人口七分之一）。美國成年人吸煙率已經下降一半，由1965年42%下降到2006年20.8%[5]。但係發展中國家嘅吸煙率，每年大約上升3.4%[6]。
Source: World Health Organization estimates, 2000
Remove ads
睇埋
參考
Wikiwand - on
Seamless Wikipedia browsing. On steroids.
Remove ads