程式行號

程式行hong4號（英文：line number）係一個代表源碼入面某一句嘅自然數，喺大多數程式語言（包括 Python 同 MATLAB 等）都係個文字檔第幾行，個行號就係邊個數，但係有啲程式語言要自已決定行號，而且唔使啲行號連續（例如好多嘅 BASIC 版本）。

唔使啲行號連續嘅程式語言可能會係一啲通常要喺個語言環境入面輸入程式，唔用得或者唔方便用其他原始碼編輯器嘅語言^[1]；如果每行都要決定行號，行號會係淨係需要愈落個數愈大就得，所以編程員通常會特登寫到啲行號唔連續，等遲啲喺兩行中間加多啲嘢都唔使郁其加嘢就加到，就好似係以下呢段 BASIC 碼噉，第10行同第20行（指行號係 10 同 20，唔係真係數出嚟嘅第幾行^[2]）之間有9個空位^[3]：

10 LET X = 3
20 PRINT X

呢類嘅系統有時會提供一個命令或者一個公用程式，可以將啲行號重新編過，唔使用手慢慢改（例如一啲 BASIC 會提供一個 renumber 命令）。