簡植航

簡植航，香港親中派商人，協恒企業有限公司董事總經理^[1]。

早年經歷

佢喺20歲前喺中山成長同接受教育；1962年隨屋企人來港團聚，先後從事物業管理同建築地盤判頭，之後開設協恆企業，經營轉口貿易生意。結婚後亦有同太太合力創辦金鋼砂建築材料業務^[2]。

部分公職

• 香港廣東社團總會常務副主席兼常務副秘書長^[3][4]
• 廣東省中山市第十二屆政協常委^[2]
• 香港中山社團總會首席會長^[2]

部分榮譽

• 2017年 -「行政長官社會服務獎」^[2]

政治立場同社會經歷

佢嘅政治立場係親中派，曾經獲邀參加中國國慶七十二周年酒會。喺2015年，佢有擺設街站呼籲市民支持根據北京未經諮詢或香港人同意之下訂立嘅831框架，從而草擬嘅2017年普選特首政改方案^[2]。

佢又曾經幫手舉行活動支持北京未經諮詢或香港人同意，強行訂立嘅《港版國安法》，又以「黑暴」形容爭取民主嘅香港反送中運動。之後，佢亦有支持所謂嘅愛國者治港同埋大幅度縮減直選議席比例嘅『完善選舉制度』^[2]。

喺武漢肺炎香港疫情期間，佢有喺元朗社區隔離設施捐贈抗疫物資^[2]。

選舉經歷

喺2021年9月，佢成為香港特别行政區選舉委員會同鄉社團委員^[5][1]。