粗體

粗體字（英文：boldface），又叫黑體字^[1]，喺印刷同平面設計，係指筆劃粗過標準字嘅字款^[1]；喺歐洲嘅排版傳統，最早嘅粗體字其實就係古黑體，而羅馬體就本來冇粗體，直到19世紀先發明^[2]:55，喺排版嘅角度被認為係次要過次要變體，冇必要唔應該用^[2]:54–56。

喺一段標準粗幼嘅文章用粗體字，會有 ｢大聲嗌｣ 嘅效果^[2]:56，亦即係一望就知有嘢強調咗出嚟，唔使慢慢搵^[3]，呢種 ｢主動式強調｣^[暫譯] 嘅特性令佢好多時都用嚟排標題。

喺網頁設計，粗體（bold）通常係指筆劃粗幼值（font-weight）係 700^[4]。

文字模式嘅粗體

所謂 ANSI 碼（以前喺批次檔常見，喺類Unix系統嘅文字用家介面仲有用）當中有一個碼可以用嚟指定 ｢粗體｣（bold）^[5]，但係文字幕同終端機其實通常都冇粗體；喺呢類環境之下，｢粗體｣ 其實係指以增強光度嘅方法達致主動式強調嘅效果。