UML
From Wikipedia, the free encyclopedia
Remove ads
UML（英文全寫：Unified Modeling Language），直譯統一製模語言或者統一建模語言[註 1]，係一種用嚟幫系統整模型嘅圖像式表示法，原本設計嚟描述軟件系統[1]，特別係用嚟畀物件導向編程用[2]，但係喺商業都有應用[3]；佢雛型喺1994年出現，第1.1版喺1997年推出[4]。
統一製模語言係一種建模語言，而非程式語言。噉講意思係話，呢種語言嘅用途係攞嚟建立抽象模型，唔係要實際整隻軟件出嚟：軟件工程師會用呢種語言描述設計緊嗰個軟件系統，將之圖像化噉表現出嚟，便於攞去騷俾唔識編程嘅人－例如管理者－睇，而且唔同工程師團隊溝通嗰陣，都會用到統一製模語言。喺功能上，統一製模語言有少少似建築設計上用到嘅圖則。
結構圖
結構性質嘅 UML 圖[註 2]會描述個系統嘅靜止特性，即係唔使行個系統都可以睇到嘅特性。
物件表示
睇埋：物件 (電腦科學)
統一製模語言特別適用於行物件導向編程嘅系統。有多種 UML 圖都係專門設計嚟描述物件相關概念嘅。
類別圖
内文：類別圖
類別圖係最常見嘅 UML 圖之一，顯示系統中有邊啲類別，以及係呢啲類別分別有咩特性同埋方法，仲會畫埋唔同類別之間嘅關係，譬如係繼承同組成等等。呢啲嘢都係物件導向編程嘅重要元素[5][6]。
例如試想工程師要製作一隻軟件，用嚟管理動物園，要紀錄動物園入便啲動物。佢個類別圖好可能會有一個叫動物嘅類別，做最上層最抽象化嘅類別，淨係得一啲好基本嘅特性，諸如係名、年齡、編號同埋食乜呀噉。呢個類別下會有好多個類別，諸如哺乳類同鳥類等，每個子類別都會繼承動物嗰啲基本屬性，但每個都加上自己特有嘅屬性，例如哺乳類可能有毛皮顏色，而鳥類有飛行呢個方法... 等等，而呢啲子類別每個都可以有自己嘅子類別，例如哺乳類下可以有狼同獅子等。
|
物件圖
内文：物件圖
物件圖係一幅幅「截圖」，描述系統中嘅實例。物件圖會描繪系統中嘅唔同物件點樣互動，喺呢啲圖之中，每件物件都係由系統中某啲類別嗰度製作出嚟嘅實例，幅圖會同每件物件俾一啲例子值，再描繪佢哋之間有咩關係[7][8]。
|
又例如做電子遊戲製作，要整隻射擊遊戲。該遊戲嘅一幅物件圖可以係類似噉：
------------------- ------------------- -------------------
| 玩家1 : 玩家 |---->| 武器1 : 武器 |---->| 子彈1 : 子彈 |
| 血量 = 100 | | 類型 = "來福槍" | | 速度 = 20 |
| 位置 = (10,5) | | 彈量 = 29 | | 位置 = (12,5) |
------------------- ------------------- -------------------
|
v
---------------------
| 敵人1 : 敵人 |
| 血量 = 50 |
| 位置 = (15,5) |
---------------------
Remove ads
行為圖
行為性質嘅 UML 圖[註 3]會描述個系統嘅動態特性，即係個系統實際行嗰時展現嘅特性。
睇埋
參考
註
書目
拎
Wikiwand - on
Seamless Wikipedia browsing. On steroids.
Remove ads