橋水廣場槍擊案

美國維珍尼亞州電視直播槍擊案，喺美國又叫阿力臣帕卡同阿登禾德被謀殺案（英文：Murders of Alison Parker and Adam Ward），係2015年8月26號喺美國維珍尼亞州摩尼他發生嘅槍擊案。WDBJ電視台記者阿力臣帕卡（Alison Parker）同攝影師阿登禾德（Adam Ward）俾槍手韋斯達·李·費拉拿根（Vester Lee Flanagan II）槍殺，槍手最後死喺車禍^[1]。

事發經過

美國東部時間2015年8月26號06:46（粵港時間：2015年8月26號19:46），哥倫比亞廣播公司屬下媒體——WDBJ7電視台喺維珍尼亞州摩尼他嘅水橋湖景區搞緊早晨新聞採訪直播^[1]。喺女記者阿力臣帕卡採訪緊園長域奇·格拿（Vicki Gardner）講關於史密夫山湖（英文：Smith Mountain Lake）50週年紀念活動時，講到「We want to come here to say that was ...」（粵語翻譯：我哋諗住嚟呢度講句係……）嗰句響咗8下槍聲，之後有人開始尖叫，跟住攝影師連同鏡頭一齊跌咗落地。畫面好快轉返畀直播室主播——金伯莉·麥布隆（Kimberly McBroom）。

結果

差人喺事發之後正式立案調查。最先證實帕卡同禾德俾槍手殺死，格拿送咗去醫院搶救而執返條命^[2][3]；事發現場一共響咗15下槍聲^[4]。

美國東部時間08:23（粵港當地時間：21:23），開槍嘅人向ABC電視台發咗份傳真，重喺朝早10點（粵港當地時間夜晚十一點）到打咗電話，承認自己殺死WDBJ電視台記者同攝影師^[5]。跟住落嚟嘅追捕過程，差人通過手機GPS追蹤到作案嫌疑人——韋斯達·李·費拉拿根^[6]。

費拉拿根喺羅阿諾-布力斯堡地區機場（英文：Roanoke–Blacksburg Regional Airport）掟咗福特野馬跑車，重揸咗租嚟嘅雪佛蘭轎車喺66號州際公路向東離開。當地時間11點20分（粵港當地時間：2015年8月27號00:20），有州警車喺霍基亞郡認到有兇手嘅轎車之後增援，重試下叉住費拉拿根，但佢越叫越走。追咗唔够兩英里後，費拉拿根嘅車飛出公路撞落石壆^[7]。佢好快被送去瀑布教堂（英文：Falls Church, Virginia）嘅伊諾華費爾法斯醫院（英文：Inova Fairfax Hospital）搶救，但喺13點26分（粵港當地時間：2015年8月27號02:26）死咗^[8][9]。

後續

呢單槍案發生咗之後，美國總統奧巴馬第一時間關注咗呢件事同問候死難者^[10]，加上媒體又重新關注美國嘅槍支管理法律問題。

2015年8月27號嘅WDBJ晨早新聞重繼續返嗰日槍擊案之後嘅採訪。^[11]