翟俊威

翟俊威（Aden Chak，2000年—），係香港藝人同導演，佢老豆係為社會組織和勝和嘅前坐館翟浩琛，阿哥翟俊朗亦係藝人^[1]。佢2025年3月報名參加ViuTV選秀真人騷《全民造星VI》初選，6月確認入圍99強（號碼係91號），職業報稱「全職音樂人、爸爸」。

翟俊威

早年

由於佢對演藝事業發展有興趣，翟俊威喺澳洲留學後返香港^[1]，佢亦係吳國敬徒弟同黃夏蕙契仔^[2]。雖然翟浩琛具有江湖背景，但係佢喺2017年接受《壹週刊》訪問嘅時候就話，自己管教兩個仔好嚴^[3]。2023年成為人父，育有一女。

爭議

開拍撐警電影《時代》

喺2020年，佢用藝名翟艾頓執導咗以反修例運動作為題材嘅電影《時代》，但係電影就引來咗唔少爭議，除咗立場支持警察之外，亦包括如有傳院商在未睇試片下，「被通知」上映，網民對電影質素批評等嘅事宜，資深導演劉國昌無被知會被加名等^[1][2]。