荔灣路 (廣州荔灣)

23°8′7″N 113°14′21.4″E

  呢篇文講荔灣區嘅荔灣路。想搵番禺區嘅荔灣路嘅話，請睇荔灣路 (廣州番禺)。

  荔灣區嘅華貴路同寶華路喺1967～1981年間嗌過荔灣路。

荔　湾　路 LIWAN ROAD

荔灣路嘅路牌（中山八路路口嗰嚿）

性質： 主幹道 全長： 1.070公里 行車線： 雙向8車道 地區： 廣州市荔灣區 起點： 龍津西路、龍津中路同華貴路嘅交界 終點： 東風西路嘅彩虹橋附近 主要建築： 動感小西關 荔灣體育場 廣州市腦科醫院荔灣門診部

荔灣路（粵拼：lai6 waan1 lou6）係中國廣東省廣州市荔灣區嘅一條主幹道。成條馬路南北走向，南邊從龍津西路、龍津中路同華貴路嘅交界開始，一直向北去到東風西路嘅彩虹橋附近嗰頭。呢條路響1950年整咗出嚟。

概要

全長1070米，闊40米，雙向8車道。

史

舊時係冇「荔灣路」呢條馬路嘅。到咗1950年，廣州市政府先至開咗成條馬路出嚟，由於呢條馬路喺荔溪東約嘅東邊，所以就起名做「荔灣東約馬路」，而華貴路到中山八路同中山七路嗰截之前係三聖一巷。喺文化大革命嗰陣嘅1966年，三聖一巷同荔灣東約馬路合併，改名爲「荔灣北路」。^[1]到咗1981年，呢條馬路就改名爲「荔灣路」。而「三聖一巷」就由於變咗做主幹道嘅緣由，喺文革之後就一直都冇恢復返。

經過嘅道路

條路順序從南到北排，加粗嘅字係主幹道：

• 龍津西路、龍津中路、華貴路
• 中山八路、中山七路
• 陳家祠道
• 周門路
• 西華路
• 東風西路