蔡英文
中華民國第14、15任總統・中華民國第4位民選總統・前任民主進步黨主席 From Wikipedia, the free encyclopedia
Remove ads
蔡英文（英文：Tsai Ing-wen；粵音：Coi3 Jing1 Man4；1956年8月31號—）係臺灣法學家同埋政治人，曾任民主進步黨主席同中華民國總統。
Remove ads
歷史
蔡英文1956年8月31號喺台北市嘅馬偕醫院出世。2004年加入民主進步黨，同年當選全國不分區立法委員。2000年做過中華民國行政院大陸委員會主任委員，2006年做過行政院副院長，2008年起坐正民主進步黨主席個位。
2014年再上任民進黨主席。
2016年1月16號，蔡英文喺2016年中華民國總統選舉中當選，喺5月20號正式就任。
2018年，民主進步黨喺九合一選舉慘敗之後，再次辭去民主進步黨主席一職。
2020年1月11號，蔡英文喺2020年中華民國總統選舉中當選，成功連任。
事件同爭議
被指先聲援、後遺棄香港人
喺反送中運動入面，蔡英文曾經公開聲援反送中，亦令佢喺2020年中華民國總統選舉入面嘅支持度同主要對手韓國瑜拉闊，並最終成功連任[10]。喺北京單方面未經香港人同意落實《港版國安法》同埋修改選舉制度後，香港出現移民潮，有人選擇台灣，但佢哋之後申請居留同定居許可都有困難，當中涉及標準唔清晰及陸生港人問題，有啲媒體就形容台灣似乎正收緊對移民港人嘅審批[11]。有抗爭者感嘆台灣政府對佢哋做成二度傷害[12]，自己被蔡英文遺棄，覺得香港抗爭者變成咗蔡英文嘅政治手段同籌碼[13]。
2023年1月初，台灣內政部移民署公佈針對當地香港人嘅「九不得」清單，更加引發在台港人同埋台灣法律學者嘅批評。
學位門事件
内文：蔡英文學位門
自2019年起，台灣對於蔡英文有無真係攞到倫敦政治經濟學院（英文：LSE）嘅博士學位有所討論。有人質疑蔡英文攞唔到原本嘅學位證書（只有補發）[14]、倫敦政經學院圖書館亦只找到後來補送嘅博士論文[15]、蔡英文亦未曾出示穿博士袍嘅畢業照[16]，所以主張蔡英文嘅博士學位係假嘅。
倫敦政治經濟學院喺2019年10月8號喺官方網站發文確認咗蔡英文博士學位嘅真實性，並確認咗高等法律研究所（英文：IALS）1985年出版嘅索引文檔《英國法律研究1905-1984》入面有蔡英文嘅論文條目。發文同時提示LSE圖書館新近收到蔡英文提供嘅論文個人副本傳真文檔，可供下載或者喺閱覽室查閱[17][18]。論文導師係2016年去世嘅Michael J. Elliott[18][19][20]。不過，有啲人仍然質疑，倫敦政經學院需保護學校嘅名聲，同蔡英文利益一致而幫佢隱瞞[21]。
Remove ads
碎料
飲食習慣
佢嘅飲食習慣有時會成為民間討論話題。例如，佢曾經喺惡搞媒體眼球中央電視台嘅除夕節目亮相，但內容居然係叫人食香菜。另外，佢喺2021年11月自爆鍾意食三色豆，兩次都引起人熱烈討論，台灣基進新聞部副主任陳子瑜甚至話，因為蔡英文忍得到常人所忍唔到嘅嘢先做到總統[22][23]。
同貓狗嘅關係
佢有時會因為同貓狗嘅互動上報紙。
佢有收養貓（蔡想想、蔡阿才）同狗（Maru、Bella和Bunny）。其中三隻狗都喺佢競選連任總統嘅時候亮相幫佢拉票[24][25]。
另外，台中搜救犬Melody喺參與位於土耳其嘅救災工作後曾經獲得嘅嘉許，但Melody喺同嘉許過程同蔡英文合照期間，偷偷地向蔡英文獻吻，成為一時佳話[26]。
註
參考
出面網頁
Wikiwand - on
Seamless Wikipedia browsing. On steroids.
Remove ads