警戒作用

警戒作用（粵拼：ging2 gaai3 zok3 jung6；英文：Aposematism）係指有毒生物進化出鮮艷色水，等獵食者容易記得佢哋。

舉個例說明，好似黃帶箭毒蛙等有劇毒嘅動物好多時身上都有鮮艷嘅顏色：呢啲有毒動物特性係，獵食者食咗佢哋會唔舒服，而根據學習原理，隻獵食者食完一次會學識唔好食嗰隻動物嘅同類，喺呢種情況下，顏色鮮艷反而變咗做一個優勢－顏色鮮艷會令嗰種有毒動物嘅外形易認，隻獵食者下次見到隻有毒動物嘅同類嗰陣，就更加大機會率醒起「上次就係食咗呢隻嘢搞到唔舒服嘅」；而隨住顏色鮮艷嘅有毒個體數量多咗（物競天擇），「顏色鮮艷」就因為同「有毒」有強嘅相關而成為咗訊號，個向獵食者傳「我好毒」呢樣資訊^[1][2]。

睇埋

• 訊號理論
• 操作制約