讀寫障礙

讀寫障礙（粵拼：duk6 se2 zoeng3 ngoi6，Dyslexia, reading disorder, alexia），又叫閱讀障礙、失讀症，係描述喺智力無缺損嘅狀況下，對於閱讀同書寫文字具有困難嘅症狀^[1][2]。症狀嘅嚴重程度因人而異。其他症狀包括難以拼出單字（英文：spelling）、難以快速朗讀字詞、無法專注閱讀、難以連續書寫、無法講出腦中嘅字彙，或者係無法理解閱讀內容^[3][4]。呢啲症狀最先往往喺學校時發現^[5]。讀寫困難並唔係患者自己可以控制^[3]。

讀寫障礙
分類同外部資源
Patient UK（英文：Patient UK）	讀寫障礙

特徵

• 通常喺細路返學初期被發現。
• 閱讀速度慢，筆跡較差。
• 閱讀時，經常減去並加上一個單詞。
• 通常將某啲字母上單詞混淆，例如將「 b」當做「d」，將「p」當做「 q」。
• 注意力容易分散，甚至無法完成工作。
• 誦讀困難問題可能持續到成年。

原因

專業醫生同研究人員末確定閱讀障礙嘅原因。但係，閱讀障礙主要原因被認為係大腦嘅正常狀況唔同工作方式嘅結果。亦有一啲證據表明呢種情況可能被遺傳。當對有閱讀障礙嘅人進行掃描測試時，發現患有閱讀障礙嘅人無遭受傷害或者大腦部分受損，但係佢哋嘅大腦運作方式同無閱讀障礙人士唔同。呢種差異可能係由於子宮內發生嘅大腦缺陷或者事故引起。

點樣幫助讀寫障礙患者

• 採用輔具，例如圖片、卡字、有聲書，或者較高科技嘅非視覺桌面存取系統，協助佢哋閱讀同埋使用電腦。
• 採用閱讀策略將字同圖像、實物建立連結，同埋將造字嘅邏輯同脈絡引入，提升字詞意思，有助於閱讀。
• 採用字型較大嘅字級，同較高行距，降低視覺干擾。
• 使用尺壓住後排文字，或者用筆將讀完嘅行首畫點標記，避免跳行。

治療

閱讀障礙症只有喺教育心理學家或者閱讀障礙專家老師嘅監督下對患者進行幾次檢查後先被發現。如果問題唔可以解決，因為依家未有藥物醫，閱讀困難者通常會接受治療，以改善語言、思維同社交能力。

各地情況

香港

部分中小學會有提供言語治療服務同註校教育心理學家去幫助讀寫障礙學生。

如果經評估患有讀寫障礙學生可以喺DSE申請考試特別安排，例如加時服務（通常書寫試卷+25%，MC+15%）、放大試卷服務、讀卷服務等。

另外，衞生署亦有提供兒童體能智力測驗服務同學生健康服務。

馬來西亞

喺馬來西亞，被診斷患有閱讀障礙嘅細路申請為殘疾人士（OKU）。佢哋獲得馬來西亞社會福利部（JKM）嘅OKU卡，並獲得國家教育部（JPN）嘅財政資助，可以喺佢哋監督下參加康復課程^[6][7]。

出名患者

• 阿彼鍚·巴克罕：波里活演員^[8]。
• 黃之鋒：香港學民思潮召集人^[9][10]。
• 李光耀：第一任新加坡總理^[11]。
• 周渝民：臺灣歌手及演員^[12]。
• 蕭敬騰：臺灣歌手及演員^[13][14]。
• 盧蘇偉：臺灣青少年輔導員^[15]。
• 成允聖：臺灣企業家^[16]。
• 黃小柔：臺灣歌手及演員^[17]。
• 陳力沈：馬來西亞機師^[18]。
• 許傑輝：臺灣電視主持人^[19]。
• 胡瓜：臺灣電視主持人^[20]。
• 黃連煜：臺灣歌手及演員^[21]。

睇埋

• 分裂腦