遊戲軟體分級管理辦法

 遊戲軟體分級管理辦法（粵拼：jau4 hei3 jyun5 tai2 fan1 kap1 gun2 lei5 baan6 faat3） （閩南話：Iû-hì nńg-thé hun-kip koán-lí pān-hoat），2012年4月12號之前嗌過電腦網路內容分級管理辦法^[1]，係臺灣地區頒布嘅法律條文之一，2004年4月26號由臺灣行政院新聞局考慮到電腦嘅線上同線下出現鹹濕或血腥、暴力、嗌交、打交、粗口等一系列爭拗，及保護青少年免受鹹濕或血腥等有害信息因素影響而頒布，主要職責係監管啲電子遊戲同制訂線上線下啲軟件嘅年紀同內容嘅分級。

佢屬下嘅分級有O⁺、6⁺、12⁺、15⁺、18⁺呢5個級，每個級都有佢唔同嘅解釋。法律未改名前，分級出現過“普”、“保”、“輔”、“限”呢四個級^[2]。

屬下分級

撈稿	意思	幾時開始	詳細解釋
	乜人都啱玩	2004年	除3D遊戲同埋任天堂3DS玩嘅遊戲之外，其它嘢乜人都啱玩。
	凈啱6周歲及以上嘅人玩	2004年	入面啲嘢凈啱6周歲及以上啲人玩。因為呢啲遊戲涉及以下情況： 雖然有涉及打鬥場面，但冇講到角色點死或受傷法，及一啲血腥畫面都冇。 用到虛擬遊戲幣，結果涉及虛擬遊戲幣增加或減少之類。 講到未夠6歲啲人嘅行為或心理有不良影響嘅人士。
	凈啱12周歲及以上嘅人玩	2012年	入面啲嘢凈啱12周歲及以上啲人玩。因為呢啲遊戲可能涉及性[註 1]、暴力、恐怖、打鬥攻擊嘅畫面（未達到血腥或有些少恐怖場面）、有不雅用語（冇收埋任何鬧人成份）、及戀愛成份，重有講到未夠12歲啲人嘅行為或心理有不良影響嘅人士。
	凈啱15周歲及以上嘅人玩	2012年	入面啲嘢凈啱15周歲及以上啲人玩。因為呢啲遊戲可能涉及性[註 2]、暴力、恐怖、打鬥攻擊嘅畫面（涉及中等血腥或恐怖嘅畫面但冇令人產生殘虐嘅印象）、有飲酒畫面、不雅用語（有涉及鬧人言論）、及戀愛、反社會[註 3]，重有講到未夠15歲啲人嘅行為或心理有不良影響嘅人士。
	凈啱18周歲及以上或成年人玩	1994年	入面啲嘢凈啱18周歲及以上啲人玩。因為呢啲遊戲可能涉及性[註 4]、暴力、恐怖、打鬥攻擊嘅畫面（涉及大量血腥或恐怖嘅畫面兼講到受傷或點死法）、有飲酒畫面、好多不雅用語、及大量戀愛情節、吸毒環節、反社會[註 5]，重有講到未夠18歲啲人嘅行為或心理有不良影響嘅人士。