金花古廟 (廣州長洲)

金花古廟（粵拼：gam1 faa1 gu2 miu6*2）係中國廣東廣州嘅一間古廟，喺黃埔區長洲金洲北路福聚坊大街26號（黃埔區旅遊度假村對面嘅白鶴崗半山腰）。佢既屬廣州市嘅文物，又係廣州地區目前發現得最完整嘅金花廟。

金花古廟
廣州市文物保護單位
金花古廟門口
喺邊	黃埔區長洲
類	古蹟
時代	大清
冧	7-45
登錄	2008年12月19號
地圖

間廟喺每年農曆四月十七都有紀念金花娘娘嘅「金花誕」。

史

間廟出面嘅大牌坊，2015年初起好。

間廟落成之時雖已無從考證，但根據間古廟嘅四嚿古碑記載，最早嗰嚿喺道光八年（1829年）出現，最遲嗰嚿喺光緒二年（1876年）出現^[1]，重有嚿喺道光十七年（1838年）^[2]同埋咸豐七年（1857年）做過重修工作。2002年9月俾廣州市人民政府公佈為登記文物。2007年11月26號，黃埔區人民政府出20萬蚊嚟修繕間古廟^[3]，直到2009年5月11號重新開放^[1]，同時恢復返停咗個幾世紀嘅金花誕。2008年12月19號被列為市級文物。2014年10月將古廟面前嘅廣場做過大整修，直到2015年5月搞掂^[4]。

風格

間廟比較細，面闊5.5米，通深14.65米，面積80.58平方米。面闊一間深兩進。正門上邊有「金花古廟」四字。廟門由花崗岩整成。