陳亨利

陳亨利，香港建制派（商界親中陣營）政治人物，第十三屆港區全國人大代表^[1]，經民聯成員。

家庭

佢老婆係同屬親中派嘅陳趙滿菊^[2]，阿爸係陳守仁^[3]，細佬係立法會議員陳祖恒。

部分公職

• 中國和平統一促進會香港總會執行會長^[4]
• 第十四屆全國政協香港委員(特邀香港人士)^[5]
• 國際華商協進會永遠榮譽顧問^[6]
• 兩岸和平發展聯合總會永遠名譽會長等職位^[7][8]
• 香港泉州同鄉會永遠名譽會長^[9][10]
• 滬港社團總會執委^[11]

政治立場

佢係香港親中派一員。2016年初，因為政府小販政策問題，旺角引發魚蛋革命，佢曾經喺之後參與聯署聲明，譴責暴亂^[12]。

選舉及提名經歷

喺2016年，佢成為香港特别行政區選舉委員會紡織及製衣界委員。之後，佢有份提名林鄭月娥參與2017年香港行政長官選舉^[13]。

2018年，陳亨利被選為香港特別行政區出席第十三屆全國人民代表大會代表^[14]。

喺2021年9月，佢成為香港特别行政區選舉委員會委員(港區全國人大代表)^[15]。2022年，佢喺李家超無提政綱嘅情況下，有份提名李家超參與2022年香港行政長官選舉^[16]。