霍桑效應

霍桑效應（Hawthorne effect）係指人會對「俾人望住」而改變自己嘅行為。

例如有經濟學同管理學方面嘅學者試過喺美國伊利諾伊州嘅一間工廠嗰度做過個噉嘅實驗。喺呢個實驗當中，啲研究者想研究「俾人睇住」會點樣影響工人嘅生產效率－佢哋研究嘅總體係「世界上所有嘅工人」，但佢哋冇可能一次研究嗮咁多工人，所以只係攞咗一小部份嚟研究－嗰間工廠嘅工人（抽樣）。佢哋跟住做以下嘅嘢：

• 佢哋嘗試增強間廠入面嘅燈光，而燈光影響啲工人會唔會俾人睇到，睇吓佢點樣影響流水線工人嘅生產率；
• 研究人員首先檢測咗間廠既有嘅生產率，打後再改變車間嘅燈光強度，再睇吓有乜嘢結果；
• 結果係生產率喺實驗環境之下提升咗－表示「燈光」同「生產率」兩個變數之間有關係。

呢個實驗好出名，不過有唔少科學家都嫌呢個實驗嘅設計有少少唔掂，例如係缺少咗對照組等嘅重要程序^[1]。