飛行模擬器

飛行模擬器fei1 hang4 mou4 ji5 hei3（flight simulator）泛指俾玩家模擬揸飛行機械嘅電子遊戲，當中「飛行機械」包括喺地球大氣層內飛行嘅飛機同埋喺太空當中飛行嘅太空船^{[1] [2]}。

一隻飛行模擬器嘅截圖

喺一隻典型嘅飛行模擬器當中，玩家會控制揸架飛行機嘅機師，並且嘗試揸住自己部座機達成某啲任務－例如係要同第啲玩家或者電腦戰鬥（可以睇空戰模擬遊戲）、又可以係要好似競速遊戲噉同第啲玩家或者電腦鬥快；有好多飛行模擬器仲做到高度真實，模擬嗮一架飛機飛行嗰陣要諗嘅空氣動力學等嘅物理，真實到直頭俾人攞嚟做好多專業嘅用途，包括係幫手訓練新進嘅飛機師^[3]，或者幫手模擬新設計嘅飛機飛起上嚟係點^[4]。