龍鼓灘

龍鼓灘（粵拼：lung4 gu2 taan1，英文：Lung Kwu Tan）係香港屯門以西海邊一笪地方，喺青山大冷水西便，龍鼓水道東便。行政上歸屯門區。

龍鼓灘原本係條村名，因條村近海灘，對住龍鼓洲而名。個灘係由青山流落來幾條涌形成。龍鼓灘一帶重有南朗、北朗呢啲村。龍鼓灘北面有龍鼓上灘，再北啲就係爛角嘴。而龍鼓灘南便係踏石角。

龍鼓灘村民開咗燒烤場，畀人入場租用。而中華電力喺龍鼓灘西北爛角嘴以北，起咗龍鼓灘發電廠，1985年開始供電。

龍鼓灘一帶有唔少考古發現，因為起發電廠之前，做過搶救發掘。

交通