四維

  想搵中華傳統美德嘅話，請睇四維八德。

四維空間（英文：4D）係指幾何學想像中、有四個維度嘅空間。喺數學上，四維空間嘅概念由三維空間延伸出嚟：三維空間係日常世界入便最簡單、最常用嘅空間模型，因為只需要三個數值（三個維度）就足以描述某件物件嘅大細或者位置。呢個普通空間嘅概念又叫做歐幾里得空間，因為佢符合歐幾里得幾何，而歐幾里得幾何本身就係由人類喺日常生活入面嘅空間經驗抽象出嚟。

由三維投影睇，呢個係喺四維空間入面圍住一塊平面旋轉嘅四維超正方體。