十五分鐘熱度
From Wikipedia, the free encyclopedia
《十五分鐘熱度》(15 Mins ENews)係香港電視娛樂製作嘅娛樂資訊節目,主要報道香港同海外演藝界最新動態。節目總共有兩輯:第一輯《十五分鐘熱度》喺2016年4月6號到2019年4月26號播出;第二輯叫《十五分鐘熱度 Plus》(15 Mins ENews Plus),喺2019年4月29號到2020年1月31號播,個名雖然保留「十五分鐘」,但節目長度延長到30分鐘(連廣告),同時將訪談節目《Interviu》同時尚資訊節目《View》合併入呢個節目,分別喺逢禮拜一、三、五同逢禮拜二、四節目時段內播出。
節目頭一集特別由陳俞希同陳安立主持,之後節目主持陣容有羅沛琪、陳聞平、余采霖、劉秉賓同薛國斌等等。《十五分鐘熱度 Plus》嘅節目主持陣容有羅沛琪、虞逸峯、詹朗林、朱晉傑、廖嘉輝、文桂琪、王凌燕等等,而陳嘉容同蔡宛珊則負責主持《View》呢個環節。
唔同大部份自製節目有3個月限時重溫,《十五分鐘熱度》只會提供過去一個禮拜嘅節目重溫。