工程學
From Wikipedia, the free encyclopedia
工程學(粵讀:gung1 cing4 hok6;英文:engineering),又叫工學,香港
工程學嘅工作最基本上會涉及工程學設計過程:喺呢個過程當中,工程師會首先界定「要處理啲乜問題」,搞清楚嗮設計緊嗰樣嘢要滿足乜嘢要求,再郁手試吓整件嘢出嚟同埋做測試,睇吓件嘢係咪真係一如預期噉達到啲要求-响現實世界,工程師通常初頭都會撞板,發覺件嘢有啲甩漏,跟住落嚟佢就要做進一步嘅工作,嘗試搵出問題喺邊同埋執吓件嘢嘅設計;以上嘅過程會一路重複,直至件嘢做到夠完善為止[3][4]。
工程學呢家嘢歷史好悠久,喺公元前嘅遠古經已存在,例如建於公元前 2580 年到前 2560 年嘅胡夫金字塔就俾好多人認為係一個工程學奇蹟,就算到咗廿一世紀初,工程學界對於「胡夫金字塔到底係點樣起出嚟嘅」呢條問題都仲係眾說紛紜[5]。廿一世紀初嘅工程學係一系列專化嘅領域,會用到成套嘅理論知識同實用技巧嚟設計同製作各種對人類嚟講不可或缺嘅系統,係現代社會嘅一門重要專業[6]。