希臘足球代表隊

希臘足球代表隊，係代表希臘嘅足球隊，由希臘足球總會打理，會出席國際足球賽事好似世界盃同歐洲國家盃咁。

2001年，嚟自德國嘅奧圖利赫高擔任希臘足球代表隊主教練，佢帶領呢隊波贏得2004年歐洲國家盃冠軍，係希臘喺國際性足球賽事攞到嘅頭一項冠軍。2010年，葡萄牙籍教練費蘭度山度士接任，佢帶領呢隊波殺入2012年歐洲國家盃最後八強，同時喺2014年FIFA世界盃成功打入最後十六強。