水資源
From Wikipedia, the free encyclopedia
水資源(粵拼:seoi2 zi1 jyun4)指可能對人類有用嘅天然水資源。水-一氧化二氫(化學式:H2O)-係一種對人類嚟講好有價值嘅物質,喺屋企、工業、農業、同休憩等嘅活動嗰陣都要用到,而事實係,有生命嘅嘢,包括咗各種嘅動植物,冚唪唥都係要有水先至可以生長同繁殖嘅。
喺地球上面 97% 嘅水都係鹹水,得嗰 3% 嘅係淡水,而呢啲水當中有差唔多 3 分之 2 係雪住咗喺冰川或者極地嘅冰嗰度嘅[1]。淨低冇雪住嘅淡水就主要會喺地下水嗰度揾到,得好少量嘅存在喺地表或者大氣入面[2]。
淡水係一種可再生資源,而人人都有權使用水-即係所謂嘅「水利權」。但係有跡象顯示,世界上嘅地下水供應穩定噉下跌緊,尤其係喺亞洲、南美、同北美,而啲科學家仲喺度研究緊呢個現象會唔會自然噉恢復,以及生態系統係咪受到威脅[3]。