河南 (廣州)
From Wikipedia, the free encyclopedia
河南,亦叫河南地、江南洲、花洲,廣州珠江主航道南岸嘅一塊大區域,亦係舊廣州嘅核心板塊,喺而家廣州市海珠區西、中部地帶,東至赤崗,南至瑞寶、上涌。舊時屬番禺縣,東漢得名於議郎楊孚,盛唐時期做過縣治,清朝屬縣轄下嘅茭塘巡檢司。從行政來講,由1960年建「海珠人民公社」,就無「河南」呢嗰名,但係舊廣州街坊重跟返習慣,叫呢忽地做「河南」。
舊底流落同河南有關嘅兩句說話:「東山少爺、西關小姐、河南地痞、小北爛仔」、「寧愛河北一張牀、唔愛河南一間房」,片面反映咗舊社會時期,相對河對面嘅廣州城同東西兩翼,河南地窮酸同落後。