香港漫畫
From Wikipedia, the free encyclopedia
香港漫畫通常都叫做公仔書,而文化界興叫做港漫,1970到90年代係港漫嘅高峰,行出街好容易都會見到好多人插住本公仔書係褲袋。嗰陣時最賣得嘅港漫幾乎都係武俠漫畫,呢啲武俠漫畫以打打殺殺嘅風格見稱,全盛時期幾乎每日都有兩三本公仔書出版。不過1990年代後期,港漫嘅風格開始有啲改變,已經再唔單單係啲打打殺殺嘅武俠漫畫,嗰陣出現咗好多唔同類型嘅公仔書。雖然主流市場仍然以武俠或者係啲打打殺殺嘅公仔書為主,但係依家香港嘅漫畫出版社都願意出多好多唔同類型嘅漫畫。