| 廈拉原文 |
台羅
|
| 台閩字
|
SIGAKLI'E XISING ZIA Danming
|
Sì-kak-lī ê Hi-sing Tan-bîng
|
|
|
|
|
Di lizap ni zing, wu ziit'e xulinlang, Ii si diamdi Xokgiansing Zin'gangguinh'e xiunh'e[,]
Ii'e diongxu si lai Singapo (Singapore) tanzia, Ii zin kun'gin zuogang ngmang diongxu za-za dolai,
dansi, diongxu mji-si bho dolai, simzi puesin ia bhogia. Ii'e simlai zap-xun diogip daklit iu-bhun lau bhaksai.
|
Tī lī-tsa̍p nî tsîng, ū tsi̍t ê hū-lîn-lâng, i sī tiàm-tī Hok-kiàn síng Tsìn-kang kuinn ê hiunn-ē,
i ê tiōng-hu sī lâi Sin-ka-pho (Singapore) thàn-tsia̍h, i tsin khûn-kín tsuè/tsò-kang ǹg-bāng tiōng-hu tsá-tsá tò[tò-tńg]--lâi,
tān-sī, tiōng-hu m̄-i sī bô tò[tò-tńg]-lâi, sīm-tsì phue-sìn iā bô kià. I ê sim-lāi tsa̍p hun tio̍h-kip ta̍k-li̍t iu-būn làu ba̍k-sái.
|
值二十年前，有一个婦人人，伊（她）是踮值福建省晉江關个鄉下，
伊（她）的丈夫是來新加坡趁食，伊（她）真勤謹做工怏望丈夫早早倒[倒軫]來，
但是，丈夫毋伊[但？] 是無倒[倒軫]來，甚至批信也無寄。伊（她）的心內十分着急逐日憂悶落目屎。
|
|
|
Diongxu lai Singapo siwu 4 nila, inwi mbatli, simlai siaoliam i'e xulinlang.
I cianh batlang ga'i gia pue, dansi long bhowu zidio xelai'e pue, I ziu m'ai gogiala , di de-lakni'e 3 ghe.
I si bhe dokila. I daising gia ziitduinh[ziitdiunh] pue doki.
|
Tiōng-hu lâi Sin-ka-pho sī ū 4 nî--lah, in-uī m̄ bat lī, sim-lāi siàu-liām i ê hū-lîn-lâng.
I tshiánn pa̍t-lâng kā i kià phue, tān-sī lóng bô ū tsih-tio̍h he-lāi ê phue, i tsiū m̄ ài koh kià--lah, tī tē-la̍k nî ê 3 ge̍h.
I sī beh tò--khì--lah. I tāi-sing kià tsi̍t tiunn phue tò--khì.
|
丈夫來新加坡是有四年啦，因為毋𧧸字，心內數念伊个婦人人。
伊請別人加伊寄批，但是朗無有接着彼內个批，伊就不愛閣寄啦，值第六年个三月。
伊是欲倒[倒軫]去啦。伊代先寄一張批倒[倒軫]去。
|
|
|
Ziit'e simlai manxun diogip dide tingxaao diongxu'e siaosit'e xulinlang, zidio diongxu'e pue, si zaijunh-e.xuanhxi zaijunh'e kaisim'a[.]
Ii te zitdiunh pue, baitok gebia'e zz lau-aze kuanh,lau-aze dit-dit io tao laubhaksai[laobhaksai], tohkui bi'ai! Siunhki I si takge 7 nigu'e susu, ghohging, lun'ghu, sianzin,
xianzai ciudiong de-de ziitdiungpue[ziitdiunhpue] bhuexiao tak, mzai lai'min'e isu giksim giansiao gongbhue cut. Bek gao bhoxuat'e si. I gong mxola! Mxola!
|
Tsi̍t ê sim-lāi bān hun tio̍h-kip tī teh thìng-hāu tiōng-hu ê siau-sit ê hū-lîn-lâng, tsih-tio̍h tiōng-hu ê phue, sī tsái[nn]-iūnn ê huann-hí tsái[nn]-iūnn ê khai-sim--ah.
I thê tsit tiunn phue, pài-thok ke-pian/pinn ê tsu-tsú[?] láu-a-tsé khuànn, láu-a-tsé ti̍t-ti̍t iô thâu làu ba̍k-sái, thóo-khuì pi-ai! Siūnn-khí i sī tha̍k-kè 7 nî kú ê sù-su, gōo-king, lūn-gú, sian-tsîn,
hiān-tsāi tshiú-tiong té-té tsi̍t tiunn phue, buē-hiáu thak, m̄ tsai lāi-bīn ê ì-sù kik-sim kiàn-siàu kóng-buē--tshut. Pik-kàu bô-huat ê sî. I kóng m̄ hó--lah! M̄ hó--lah!
|
一个心內萬分著急值宁聽候丈夫个消息个婦人人，接著丈夫个批，是怎樣个歡喜怎樣个開心啊。
伊（她）提這張批，拜托家邊个諸子[?] 老阿姊看，老阿姊直直搖頭流目屎，吐氣悲哀！想起伊是讀過七年久个四書、五經、論語、先秦，
現在手中短短一張批未曉讀，不知內面个意思激心見笑講未出。迫較無法个時。伊講不好啦！不好啦！
|
|
|
Cinhcam, zuatmong! Si'e ohxun baowiliao xulinlang'e zuanboh, zitsi Ii iging bhoxuat zaitse[ziatse?] gagi,
di 30 xunzing i'ao. Ii xising-liao[,] gohxiong si ziitjunh laoliat canxng si ziitjunh xosiu,
dansi! I soh siaoliam'e lang si ingwan bhuowe dolaila.
|
Tshinn-tshám, tsua̍t-bōng! Sî ê oo-hûn pau-uî-liáu hū-lîn-lâng ê tsuân-pōo, tsit sî i í-king bô-huat tsiat-tsè[?] ka-kī,
tī 30 hun-tsing í-āu. I hi-sing--liáu, kòo-hiong sī tsi̍t-iūnn lāu-lia̍t tshân-hn̂g sī tsi̍t-iūnn hó-siu,
tān-sī! I sóo siàu-liām ê lâng sī íng-uán buē-uē tò[tò-tńg]--lâi--ah.
|
悽慘、絕望！時个烏雲包圍了婦人人个全部，此時伊（她）已經無法 節制[?] 家己，
值三十分鐘以後。伊（她）犧牲了，故鄉是一樣鬧熱田園是一樣好收，
但是！伊所數念个人是永遠未會倒[倒軫]來啦。
|