D Nürmbärger Gsetz
di antisemitische Gsetz vo de Nationalsozialiste / From Wikipedia, the free encyclopedia
Mit de Nürmbärger Gsetz – au as Nürmbärger Rassegsetz oder Ariergsetz bezäichnet – häi d Nazionaalsozialiste iiri antisemitischi und rassistischi Ideologii uf er juristische Grundlaag instituzionalisiert. Si uf em 7. Riichsbardeidaag vo dr NSDAP, em sogenannte „Riichsbardeidaag vo dr Freihäit“, am 15. Septämber 1935 äistimmig vom Riichsdaag aagnoo worde. Si häi umfasst:
- s Gsetz zum Schutz vom dütsche Bluet und vo dr dütschen Eer (RGBl. I S. 1146)[1] – s sogenannte Bluetschutzgsetz – und
- s Riichsbürgergsetz (RGBl. I S. 1146).
- Näbe deene bäide „Rassegsetz“ wird hüte vilmol au s Riichsflaggegsetz (RGBl. I S. 1145) under em Sammelbegriff „Nürmbärger Gsetz“ gfasst, au wenn s zitgenössisch nit zu iine zelt worde isch.[2]
Alli drei Gsetz si im Riichsgsetzblatt Däil I Nr. 100 am 16. Septämber 1935 mit em Zuesatz „am Reichsparteitag der Freiheit“ veröffentligt worde. Si si dur s alliierte Kontrollrootsgsetz Nr. 1 vom 20. Septämber 1945 ufghoobe worde.