Loxística
From Wikipedia, the free encyclopedia
La loxística ye definida pol Diccionariu de la Llingua Asturiana, publicáu pola Academia de la Llingua Asturiana (ALLA), como'l sistema d'abastecimientu de les coses que-y faen falta a un exércitu o a una empresa.[1] Nel ámbitu empresarial esisten múltiples definiciones del términu loxística, qu'evolucionó dende la loxística militar hasta'l conceutu contemporaneu del arte y la téunica que s'ocupa de la organización de los fluxos de mercancíes, enerxía y información.[2][3]
La loxística ye fundamental pal comerciu. Les actividaes loxístiques conformen un sistema que ye l'enllaz ente la producción y los mercaos que tán dixebraos pol tiempu y la distancia.[4]
La loxística empresarial, per mediu de l'alministración loxística y de la cadena de suministru, cubre la xestión y la planificación d'actividaes de los departamentos de compres, producción, tresporte, almacenaxe, mantención y distribución.