Cobus van der Walt

Jacobus Bernardus van der Walt beter bekend deur sy verhoogsnaam Bernardt James (gebore op 2 Junie 1981 in Evander, Suid-Afrika) is 'n uitvoerende musikant en komponis.^[1]

Cobus van der Walt
Geboortenaam	Jacobus Bernardus van der Walt
Ook bekend as	Bernardt James
Gebore	2 Junie 1981 (1981-06-02) (44 jaar oud) Evander, Suid-Afrika
Genres	Instrumentaal, klasieke kontemporêre musiek
Beroep(e)	Musikant
Instrumente	Klavier
Webwerf	www.bernardtjames.com

Op 'n vroeë ouderdom het Bernardt James uitsonderlike musikale vermoë openbaar en die klavier as sy kreatiewe medium gekies. Onder die leiding van sy musiekonderwyseres, Marietjie Steyn (by Hoërskool Volksrust) het Bernardt gehelp musikaal ontwikkel en hy het so begin om sy eie musiek te komponeer. Hy het ook van sy eie komposisies in plaaslike talentkompetisies en vir klaviereksamens gebruik.^[2][3]

Van 2003 tot 2005 was Bernardt die permanente pianis by die "Palace Of The Lost City" te Sun City. Terwyl hy daar gespeel het, het hy daaglikse uitvoerings by die "Crystal Court" en die "Villa del Palazzo" gelewer. Meer onlangs tree Bernardt in Johannesburg op by plekke soos The Grace Hotel, Michelangelos, Gold Reef City, Sandton Sun, The Hilton, The Residence en Maximillien (in Sandton).

23 Oktober 2014 het Bernardt op sy webwerf verduidelik wat elke liedjie op sy albums: "A song to remember" en "Music all around" beteken. Die album "A song to remember" was opgedra aan sy ouma (Maria Janse van Rensburg) wat teen einde 2012 oorlede is.^[4]

Bernardt se nuutste album "Symphonic Impressions" is vrygestel in September 2023. Hy het tans 9 albums vrygestel.^[5]

Diskografie

• A song to remember (2013)

• Music all around (2014)

• Risurrezione (2015)

• Unresolved (2017)
• Pensato (2019)
• Impromptu Impressions (2020)
• Awakened (2021)
• Synchroneity (2022)
• Symphonic Impressions (2023)