Piet Botha
Afrikaanse sanger From Wikipedia, the free encyclopedia
Remove ads
Piet Botha (18 Julie 1955 – 2 Junie 2019)[1] was 'n Afrikaanse sanger en liedjieskrywer. Hy was die seun van Pik Botha, die wêreld se langsdienende Minister van Buitelandse Sake. Die Afrikaanse skrywer en kunstenaar Lien Botha is sy jonger suster.[2]
Remove ads
Biografie
Piet Botha is in 1955 gebore en deel sy geboortedatum van 18 Julie met Nelson Mandela. Hy begin om liedjies te skryf en musiek te maak terwyl hy nog op skool is.[3] In 1974 hou hy sy eerste professionele konsert as 'n akoestiese duo saam met Abner Smith by die Keg and Tankard in Pretoria.[4] Daarna word hy deel van die musiekgroep Raven wat in 1979 hul enkelsnit Wheel of Fortune vrystel.[5]
Tussen 1981 en 1983 was hy betrokke by die groep Wildebeest en in 1984 begin hy die musiekgroep Jack Hammer.[6] Botha is in 1985 na die VSA om daar te gaan werk, maar keer in 1986 terug na Suid-Afrika. Botha en die lede van Jack Hammer kom weer bymekaar en reik die eerste Jack Hammer-album, Jack Of All Trades in 1987 uit. Gedurende 1991 aanvaar Botha 'n aanbod om saam met Silver Creek Mountain Band te speel en hy tree saam met hulle op vir 'n jaar lank, ses nagte per week.[4]
Sy eerste Afrikaanse album, ’n Suitcase vol winter, is in 1997 bekendgestel. Van sy bekendste liedjies sluit in Blues vir Louise, ’n Suitcase vol winter en Vandat jy weg is. Hy ontvang ’n SAMA-prys vir 'n leeftyd se bydrae tot Suid-Afrikaanse musiek by die 12de Suid-Afrikaanse Musiekpryse wat op 6 Mei 2006 in die Superbowl te Sun City plaasgevind het.[7] In 2002 is hy by die SA Rock Hall of Fame ingelyf[8] en in 2003 word sy album Die Mamba aangewys as SA Rock Digest se album van die jaar.[9] In 2006 is hy deur die FAK vir sy bydrae tot Afrikaans vereer.[2]
In 2011 verskyn Botha in 'n televisie-program genaamd "Wie Lê Waar" op die Afrikaanse TV-kanaal kykNET, waarin Botha die grafte van bekende Afrikaanse ikone besoek en hulle biografieë vertel. Die reeks lei dan ook dan indirek na die opneem en uitreik van Spookpsalms, Piet Botha se eerste solo-album in 8 jaar.[10]
In Februarie 2018 word Piet Botha se album Die Middernagtrein vrygestel. Dié album word aangewys as 'Beste Rock-album van die Jaar' by die Ghoema-musiektoekennings 2019.[11]
Piet Botha is op 2 Junie 2019 oorlede ná 'n kort stryd met kanker.[12]
Remove ads
Albums
- 'n Suitcase Vol Winter, 1997 WILDEBEEST
- Donkermaan
- Sien Jou Weer
- Marilyn Monroe
- Suitcase Vol Winter
- Van Tonder
- Die Kind
- Goeienag Generaal
- Klein Bietjie Reën
- In Die Transvaal
- Staan Saam Burgers
- Gipsey In Jou Oë
- Kom Huistoe
- Jan Skopgraaf, 1999 WILDEBEEST
- Jan Skopgraaf
- Haiku Vir Rooijan
- Blues Vir Louise
- Loftus Versfeld
- Kankerreën
- Slawereën
- Allesverloren
- Van Tonder deel II
- Boomstraat
- Laat Die Wiele Rol
- Riemtelegram
- Die Hits – Piet Botha, 2001 EMI
- Die Mamba, 2003 RHYTHM
- Warm Heuning
- Bye Bye My Darling
- Man Met Kitaar
- Die Mamba
- O My Heiland
- Al Die Stede
- Skielik Somer
- Die Gemmerbroodman
- Bordello
- Bosveldpad
- Herfsgedagtes
- Kitty
- Jacob Klipkop
- Jeffreysbaai (instrumentaal)
- Spookpsalms, 2011 Wolmer Records (Onafhanklik)
- Die Middernagtrein, 2018 Wolmer Records (Onafhanklik)[10]
Remove ads
Sien ook
Verwysings
Eksterne skakels
Wikiwand - on
Seamless Wikipedia browsing. On steroids.
Remove ads