Wolseley
From Wikipedia, the free encyclopedia
From Wikipedia, the free encyclopedia
Wolseley is 'n dorp in die Kaapse Wynland-distriksmunisipaliteit van die Wes-Kaap, Suid-Afrika. Die dorp is 15 km suid van Tulbagh.
Wolseley | |
---|---|
Koördinate: 33°24′47″S 19°12′06″O | |
Land | Suid-Afrika |
Provinsie | Wes-Kaap |
Distrik | Kaapse Wynland |
Munisipaliteit | Witzenberg |
Oppervlak | |
• Totaal | 5,0 km2 (1,9 vk. myl) |
Hoogte | 260 m (850 ft) |
Bevolking (2011)[1] | |
• Totaal | 12 130 |
• Digtheid | 2 426/km2 (6 280/vk. myl) |
Rasverdeling (2011) | |
• Wit mense | 8.0% |
• Indiërs/Asiërs | 0.3% |
• Bruin mense | 73.9% |
• Swart mense | 16.0% |
• Ander | 1.8% |
Taal (2011) | |
• Afrikaans | 84.0% |
• Xhosa | 8.9% |
• Sotho | 3.3% |
• Engels | 1.6% |
• Ander | 2.2% |
Poskode (strate) | 6830 |
Skakelkode | 023 |
Wolseley is in 1875 op die plaas Goedgevonden gestig en na sir Garnet Wolseley, aangewese goewerneur van Natal en opperbevelvoerder van die Britse magte, vernoem. Die spoorlyn vanaf Kaapstad het Wolseley in 1876 bereik en die taklyn na Ceres is in 1876 voltooi.
Wolseley is in 1955 tot munisipaliteit geproklameer.
Wolseley se munisipale raad het in 1955 'n wapen aangeneem en by die Kaapse Provinsiale Administrasie geregistreer : In rooi, 'n silwer paal belaai met 'n tros blou druiwe, in die skildhoof en skildvoet groen geblaar, aan weerskante vergesel van 'n besant; 'n groen golwende skildhoof. Die helmteken was 'n swart wolfskop uitkomend uit 'n goue muurkroon, en die wapenspreuk was "Viridis et fructifera".[2] Ivan Mitford-Barberton het die wapen ontwerp.
Die wapen is in 1996 gewysig deur die skildhoof van groen na blou te verander en met drie silwer waterdruppels te belaai, en toe by die Buro vir Heraldiek geregistreer.[3]
Sagtevrugteboerdery word in die omgewing bedryf terwyl suiwel, bees- en skaapsboerdery ook beoefen word. Die eerste wolwassery in die land is by Wolseley gebou, en in 1936 is 'n aanleg vir die verpakking van vrugte gebou. Die dorp is ook beskadig in die aardbewing van 29 September 1969 wat Tulbagh getref het.
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.